Accessibility links

сишәмбе, 6 декабрь 2016, Казан вакыты 17:19

Ğiraq premyer-ministrı İyad Allawi İtaliädä säfärdä


Ğiraq premyer-ministrı İyad Allawi bügen İtaliädä xökümät başlığı Silvio Berlusconi häm İoann Paul ikençe belän oçraştı. Quşma Ştatlar koalisiäsendä Ğiraqqa basıp kerüne yaqlawçılarnıñ berse bulğan İtaliä üzeneñ 3 meñgä yaqın ğaskärien Ğiraqta kiräk qadär qaldırırğa cıyına. Bu xaqta Berlusconi belderde. Allawi, moñarçı Ğiraqta barğan suğışqa çittän genä qarap torğan illärne xäzer anı tözekländerügä qatnaşırğa çaqırdı: "Moñarçı küzätep toriçılarnı min xäzer Ğiraqnıñ kiläçägen tözergä yardäm itergä çaqıram. Bez xalıqara cämäğätçelek belän tığız elemtä buldırırğa ömetlänäbez" dide Allawi. Vatikanda Allawi belän bulğan oçraşuda İoann Paul, Ğiraqnıñ demokratik cämğiät tözü tırışlıqların xupladı, bu oçraqta milli häm dini irekleklär xörmät iteläçäk, dide ruxani. İrtägä Allawi Brüsseldä Yevropa Berlege illäre citäkçeläre belän oçraşa.

XS
SM
MD
LG