Accessibility links

пәнҗешәмбе, 8 декабрь 2016, Казан вакыты 23:09

Makedoniä belän Gresiä arasında isem mäs'äläsendä nizaq däwam itä


Makedoniä prezidentı Branko Crvenkovski Quşma Ştatlarğa, elekke Yugoslaviä respublikası bulğan Makedoniägä bu isemne qaldırunı qabul itkäne öçen xuplaw belderde. Räsmi Waşington äle bu xaqta beldermäsä dä, Crvenkovski bu könne "Makedoniä häm makedonlılar öçen böyek kön", dip bilgeläde. Prezident şulay uq – bu adım Gresiä belän mönäsäbätlärgä ber niçek tä tä'sir itmiäçäk, dide: "Gresiä xökümäte häm Grek xalqına möräcäğät itep şunı äytäsem kilä – Makedoniä kürşeläre belän duslarça eçkersez yaxşı mönäsäbätlärne däwam itergä teli", dide Makedoniä prezidentı. Bügen irtän Gresiä tışqı eşlär ministrı Petros Molyviatis, Afindağı Quşma Ştatları ilçesenä protest cibärgänen xäbär itte. Jurnalistlarğa, Molyviatis, Amerikanıñ bu adımınıñ tiskäre yoğıntısı bulırğa mömkin, dide. Gresiä Makedoniäneñ räsmi töstä bu isemne alınuına qarşı çıqqan ide, çänki Gresiäneñ tönyaq töbäge dä Makedoniä dip atala, häm bu säbäptän cir büleşü kebek problemalar çığa aluına borçılu beldergän ide.

XS
SM
MD
LG