Accessibility links

якшәмбе, 4 декабрь 2016, Казан вакыты 05:03

Bush ciñep çıqsa da programmasın ğämälgä quya alaçaqmı?


Zur küpçelek tawış belän ikençe möddätkä saylanğan prezident G.Bush programmanı ğämälgä quyu öçen mandatım bar dip ışanam dide. Ğıraqnı demokratiäläşterü, AQŞnıñ sotsial iminlek sistemasına nigezle üzgäreşlär kertü anıñ mäqsatları arasında. Ämma Ğıraq suğışında uñışlı bulu häm ambitsiäle eçke programmanı ğämälgä quyu öçen aña opozitsiädäge demokratlar belän berençe möddätkä qarağanda da nığıraq elemtälär urnaştırırğa turı kiläçäk. Belgeçlär nindi fikerdä?

G.Bush 1988 yıldan birle küpçelek tawış belän saylanğan berençe prezident. Atnakiçtä ul jurnalistlarğa 3%qa kübräk tawış alu qaraşlarım ildä yaqlana digän süz,

(audio) min saylawlarda kapital , säyäsi kapital qazandım häm anı sarıf itäçäkmem dip äytep bolay dip däwam itte

(audio) ciñep çığu, xalıqnıñ sineñ qaraşlarınnı yaqlawın kürsätä, min kongressta da şulay dip äytäçäkmem. Prezident bularaq närsä eşlärgä teläwemne açıq itep belderdem häm xalıq ta närsä teläwen äytte. Äle bergäläp eşlärgä tieşbez.

Bush ilneñ küzläw sistemasın reformalau öçen qanunnı raslarğa çaqıra. Ul şulayuq federal pensiä fundı dip yöretelgän sotsial iminlek sistemasın üzgärtep qoru, salım qanunnarın küzdän kiçerüne mäqsat itep quya. Bushnıñ älege mäqsatları berençe möddättäge inisiativalarına qarağanda kübräk säyäsi yaqlaw taläp itä. Bush alarnı ğämälgä quyu öçen citärlek yaqlawğa iä mikän?

Döres Bush 1988 yıldan birle küpçelek tawış belän saylanğan berençe prezident bulsa da, aña 55 million keşe qarşı tawış birde. Opozitsineñ Bushnıñ xataları arqasında ildä fäqirlektä yäşäwçe amerikannar sanınıñ artuına, sälämätlek saqlaw çığımnarınıñ üsüenä häm Ğıraq suğışına bigräk tä açuı çığa.

Saylawlarda demokratlarnıñ kongressnıñ här ike palatasında da azçılıq pozitsiäse tağı da zäğiflände. Ämma senatnıñ 45 urının ğına bilägän, demokratlar qanunnın ütüen tuqtata ala. NY Universitetı säyäsi fännär belgeçe Steven Brams radiobızğa birgän ängämädä Bush demokratlar belän xezmättäşlek itmiäçäk qädär köçle mandatqa iä tügel di. Brams bolay di

(audio) Demokratlarğa ähämiät birü aqıllı eş bulır ide. Bälkim dä ul ideologik yaqtan üz qaraşlarına yaqın qayber uñışlarğa tizlektä ireşer ämma bu minemçä bik yuğarı bäyägä töşäçäk. Ayruça Ğıraq suğışı uñay yünäleş almasa sonğı çiktä respublikannar partiäse öçen fäcäğä bula ala..

Bush Demokratlar belän bergä eşlärgä teläwenä işarä itte itüen. Bälkim dä kabinetqa kerteläçäk keşelär bu turıda işarä bulaçaq. Yuğarı Mäxkämäneñ baş xakime William Rehnquist bik qart häm yamanşeş awıruı belän çirli, urınınnan kitäçäk digän xabärlär yöri. Ämma Bush atnakiçtä bu turıdağı sorawlarğa cawap birmäde. Tışqı Mönäsäbätlär Şurasında AQŞ säyäsäte belgeçe Walter Russell Mead fikerençä Bush üz programmasın äle dramatik räweştä üzgärtmiäçäk Mead radiobızğa bolarnı söyläde

(audio) Min şäxsän üzem ikençe möddätkä saylanğan prezidentnıñ şunduq üzenä tawış birmägän keşelärne qänäğätländerü öçen eşli başlağanın ber dä xäterlämim. Alar näk kiresençä eşli. Minemçä Bush suğış waqıtında xalıq prezidentnı yaqlayaçaq dip ömed itä.

Mead qaraşınça küp kenä respublikannar Amerika küçmä däwerdä dip uylıy, alar qıyu adımnar atlasa misal öçen xökümätneñ sotsial iminlek sistemasın öleşçä xosusiläştersä , cämäğätçelekneñ fikren üzgärter häm partiäneñ yaqlawın artırır dip qarıy. Demokratlar isä ilneñ kiläçäge turında älege waqıtta ällä ni küp fiker idealar beyan itmi.

Mead(audio) alar yaxşıraq kiläçäk turında ällä ni idealar beyan itmi, häm bu alarnı (keçkenä k belän ) konservativ status-quo partiä xälendä qaldırdı.Amerikan cämğiätendä respublikannar progressiv , ilne tağı da yuğarıraq tormış däräcäsenä kütäreregä teläwçelär bulıp kürenä

Sonğı märtäbä 1976nçe yılda demokrat Jimmi Carter küpçelek tawış belän prezident itep saylandı.

Färidä Xämit
XS
SM
MD
LG