Accessibility links

якшәмбе, 4 декабрь 2016, Казан вакыты 15:30

Fälestin citäkçese Yaser Arafat märtkä kitkän


Fälästinnärneñ citäkçese Yasir Arafat Parijdağı xärbi xastaxanädä märtkä kitkän häm ülem tüşägendä yata. Ul ber atna elek äle dä bilgelänä almağan xastalıqtan dävalanu öçen Parijğa kiterelgän ide. Soñğı könnärdä anıñ xäle bik naçarayğan.

Fälästinärneñ süzçese Leyla Şahid, Arafatnıñ mıyı inde ülgän häm ul apparatlar yardämendä genä yäşi dip taralğan xäbärlärne kire qaqtı. Ul fransuz radiosına birgän ängämäsendä Arafat komada , ul ülem belän yäşäv arasında dip beldergän. Şahidnıñ süzlärençä, anıñ organnarı eşli häm ul Fransiä prezidentı Şiraqnıñ Pänceşämbedäge vizitı vaqıtında küzlären açqan häm kölemserägän. Arafat meditsina testları ütkärü öçen üzenä anestetik birelgäç, märtkä kitkän. Fälästin premiere Ahmed Quray Comğa könne Könbatış Yordanda jurnalistlarğa bolay dip belderde.

Audio

"Arafat äle dä sälätle tabiplar tarafınnan dävalana, fransuz xalqı häm fransuz xökümäte aña tieşle iğtibarnı kürsätä , bez tabiplarnıñ raportın kötäbez. Älegä ber nindi dä yañalıq yuq."

Arafatnıñ nindi xastalıqtan cafa cigüe älegäçä bilgelänä almağan. Şulay da Fälästin räsmiläre Arafat vafat bulğan xäldä yaña citäkçelek mäsäläsendä plan äzerläv belän mäşğullär. Arafat üzenä varis äzerlämädä, şul säbäple ul vafat bulğan xäldä, buşlıq xasıyl bulaçaq häm törle fälsätin fraksiäläre arasında xakimiät öçen köräş başlanaçaq digän borçılu bar. Arafatnıñ Fatax xäräkäteneñ ağzası Camal al-Tiravi fraksiälärne citäkçel rol alır öçen üzläreneñ tar politik maqsätlären berençel urınğa quymasqa çaqırdı.

Audio

"Bez mäxsus politik köntärtibe bulğan fälästinärgä, bu sezgä xakimiätne alır öçen bu mömkinlek birmi. Jasir Arafat küpkenä illärdä bulmağan demokratiägä nigezlängän Fälästin tözede. Anda barlıq fälästinnär küz aldında totıla. Bu Fälästinneñ kiläçägen garantiäli."

Arafat vafat bulğan xäldä, anıñ Yerusalemdeme, ällä Gazadamı kümeläçäge bilgesez. Arafatnıñ ülem xäbäre, bu mäsälä açıqlanğançığa qädäre kiçekterelä digän xäbär dä taralğan. İzrael citäkçelege Arafatnıñ Yerusalemdä cirlänüenä röxsät itmiäçägen belderde.

Färit İdelle, Praga.
XS
SM
MD
LG