Çärşämbe könendä S.Säydäşev isemendäge Zur Däwlät konsert Zalında Mönirä Bulatovanıñ tuuına 90 yıl tuluğa bağışlanğan yubiley kiçäse ütte. K.Tinçurin isemendäge tatar däwlät drama häm komediä teatrı säxnäsendä “Onıta almıym”digän retro-konsert quyılsa, şul uq könne “Piramida disko-klubında Äsxät üzeneñ “Tönge yañğır” isemle berençe al'bomın täkdir itte. Bu zaldan tamaşaçı Älfiä Afzalova kebek tatar xalqınıñ moñlı cırçıların tıñlap xozurlanıp, yäşleklären isenä töşerep taralsa , milli muzıkanı çit itmägän zaman yäşläre “Piramida”da cır tıñlap, xäräkätlänep, tatarça aralaşıp , ber- berse belän tanışıp küñel açtılar. Pänceşämbe könne Ğ.Qamal isemendäge akademiä teatrında “Zäñgär şäl” spektakle quyıldı. Bu atnada Qazan şähärendä uzğan häm uzdırılası çaralar 12 yıl elek Tatarstan Konstitutsiäseneñ 6 noyäberdä qabul itelüe barlığına turıdan-turı bäyle bulmasa da, ağımdağı yılnıñ 6 noyäber köne mädäniät tormışında XX ğasırda tatar sänğäteneñ yözen çağıldırğan Marsel' Sälimcanov iseme belän bäyle. Şulay itep, 6 noyäber könne irtänge säğät 10.00 dä Qazan däwlät mädäniät häm sänğät universitetında aña bağışlanğan fänni -ğamäli konferensiä bulaçaq. Ä Ğ.Qamal teatrı säxnäsendä Marsel' Sälimcanov üze isän çaqta säxnäläştergän spektakl'lär dekadası bara . Alar isemlegendä: “Görgöri kiäwläre”, “Ğauğalı ğailä”, “Basketbolist”hb. 6 noyäber könne Qazanda uzdırılğan çaralar äle bolar belän genä tämamlanmıy. Şulay uq bu könne Qazannıñ S.Säydaşev isemendäge Zur Däwlät konsert zalında kompozitor Färit Yarullinnıñ tuuına 90 yıl tuluğa bağışlanğan yubiley kiçäse ütäçäk. Färit Yarullin- tatar milli baletına nigez saluçı şäxes. Ğabdulla Tuqaynıñ “Şüräle” äkiäte buyınça ul icat itkän “Şüräle ”baletı küp kenä çit il säxnälärendä dä quyıldı, häm bügenge köndä dä tamaşaçı tarafınnan bik yaratıp qabul itelä. 7 noyäber könne Marsel' Sälimcanovnı iskä alu çaraları däwam itäçäk. İrtänge Säğät 10.00 dа Gor'ki uramında 13 yortta Marsel' Sälimcanovqa istälek taqtası quyılaçaq. Şuşı uq könne 17.30 säğättä Ğ.Qamal teatrı foyesendä M.Sälimcanov byustı açılaçaq. Bronzadan qoyıp yasalğan sınnıñ avtorı- Mäxmüt Ğasıymov. Ä 18.00 säğättä rejissernıñ 70еллыгына bağışlanğan “Bağışlaw” isemle teatr kiçäse uzaçaq. 7 noyäber könne K.Tinçurin isemendäge drama häm komediä teatrında İslamiä Mäxmütova p'yesası buyınça “Mäxäbbät” çişmäse” spektakleneñ premyerası bula. Şul uq könne “Uniks” konsertlar zalında Zöfär Xäyretdinov belän Rinat Möslimov cırları konsertı bulaçaq.
Mälikä Basıyr.
