Bügen Yevropa Berlege summitı tämamlandı. Cıyınnıñ ikençe könendä 25 il citäkçeläre Quşma Ştatlarda yañadan prezident itep saylanğan George Bush belän tığızraq xezmättäşlek buldırunı täqdim itte. Berlektä räislek wazifasın ütäwçe Hollandiäneñ premyer-ministrı Jan Peter Balkenende, Yevropa Berlege belän Amerika Quşma Ştatları berlektä eşläsä – terrorğa häm xäyerçelekkä qarşı köräştä alğa kiteş bulaçaq, dip belderde:
"Ägär bez terrorğa qarşı köräşergä telibez ikän, xäyerçelekne beterergä telibez ikän, böten bu eşlärne Quşma Ştatları, Yevropa Berlege, Yevropa illäre bergä başqarırğa tieş, Yevropa moña ışana," dide Balkenende.
