Accessibility links

шимбә, 10 декабрь 2016, Казан вакыты 02:25

Fallucada zur xärbi çara äzerlänä


Ğiraq premyer-ministrı İyad Allawi, Fallucada ğısyançılar belän söyläşülär öçen bülengän waqıt tämamlanıp kilä, dip belderde. Tınıç xalıqnıñ zur öleşe Fallucadan kitte inde, dide Allawi: "Tınıç yul belän xäl itü öçen birelgän waqıt betep kilä, täräzä yabıla. Falluca xalqınıñ küpçelege şähärdän çığıp kitte, anda inde baş kütärüçelär häm terrorçılar ğına qaldı. Alar aqılğa kiler, dip ömetlänäbez. Yuq isä – alar cawapqa tartılaçaq," dide Allawi. Ğiraqtağı amerikan ğaskärläre uzğan töndä Fallucağa hawa höcümnäre yasadı häm şähärne qamawğa aldı, dip xäbär itelä. Bügen ğaskärlär şähär buylap uram qağäzläre taratqan, häm şähärdän çığarğa yä kerergä tırışqan 45 yäştän yäşräk här ir keşe qulğa alınaçaq, dip uramnarda beldergän. Amerikan ğaskärläreneñ matbuğat wäkile, Fallucada zur xärbi çara äzerlänä, dip xäbär itte. Başqa yañalıqlarğa kilgändä, Ğiraqta atna başında totıq itep alınğan ber Nepal keşese azat itelgän, şulay uq ber aydan artıq keşe urlawçılar qulında qalğan ike Livanlı da öylärenä qaytqan, dip xäbär itelä.

XS
SM
MD
LG