Accessibility links

Кайнар хәбәр

Balakovo'da atom reaktorınıñ tuqtawı xalıqta panika tudırdı


Uzğan töndä Rusiäneñ Sarıtaw ölkäseneñ Balakovo şähärendä häm Ukrainanıñ Rivne şähärendä atom reaktorları tuqtağan. Sarıtaw häm tirä yaqta bu xäbär xalıqta başta panika tudırğan. Semberdäge xäbärçebez Ayrat İbrahim, mäğlümat çaralarınnan ber xäbär dä bulmadı, di: Rosenergoatom şirkäte belderüendä, Balakovo zavodınıñ ikençe sanlı reaktorı turbina watıluı säbäple tuqtağan. Şimbä könne reaktor üz eşen däwam itäçäk, dip xäbär itelä. Balakovo şähäre Mäskäwdän könyaqkönçığışqa taba 900 çaqrım yıraqlıqta. Ukrainanıñ däwlät qaramağındağı Energoatom şirkäte belderüençä, Rivne şähärendäge 4nçe sanlı atom reaktorı uzğan töndä generatordan may ağa başlawı säbäple tuqtağan. Monda reaktor yäkşämbe könne qabızılır dip kötelä. Radiasiä däräcäse üzgärmägän, dip xäbär itelä.
XS
SM
MD
LG