Accessibility links

Gruziä belän Könyaq Osetiä çik buyınnan ğäskärlärne çigerergä kileşte


Bügen Rusiä tışqı eşlär ministrlığı Gruziä belän Könyaq Osetiä 20-nçe noyäbergä qädär uzara çik buylarınnan üz qorallı törkemnären çigerü turında kileşte dip iğlan itte. Kiçä Soçi şähärendä Gruziä premyer ministrı Zurab Jvania belän Könyaq Osetiä prezidentı Eduard Kakoytı oçraştı. Rusiä aradaşlığındağı bu oçraşu çik buyınnan qorallı köçlärne çigerü kileşüe belän tämamlanğan. Çik buyında barı tik öçyaqlı tınıçlıq köçläre genä qaldırılaçaq. Bu köçlär Gruziä, Könyaq Osetiä häm Rusiä xärbilärennän tora. 1990-nçı yıllar başında Könyaq Osetiä Gruziädän bäysezlek iğlan itte. Ämma bu yıl başında xakimiätkä kilgän Gruziä prezidentı Mixail Saakaşvili Gruziäne berläşterergä wäğdä itte.
XS
SM
MD
LG