Accessibility links

Tährannıñ atom programması turında Yewropa belän berençel kileşügä ireşelde


İran Yewropa Berlegendäge 3 zur il Britaniä, Fransiä häm Germaniä belän üzeneñ atom programması turındağı söyläşülärdä berençel kileşügä ireşüe turında belderä. Parijda Tährannıñ uran bayıtu eşe turındağı bu söyläşülär kiçä kiç tämamlandı. 3 Yewropa ile İrannan uran bayıtunı 25-nçe noyäbergä qädär tuqdırunı taläp itä. 25-endä Xalıqara Atom Energiäse İdaräsenıñ şura utırışı bulaçaq. Tähran urannı atom reaktorı yağulığı bularaq qullanu öçen bayıtuı turında belderä. ämma bayıtılğan uram atom qoralında da faydalanıla ala. Berençel kileşü turınd İran televideniesenä Parijdağı söyläşülärdä İran törkemen citäklägän Xösäin Musavian belderde. Ämma ul täfsille mäğlümät birmäde. Kileşü nigezendä Yewropa Berlege belän iqtisadıy, texnologik häm iminlek ölkäsendä qızıqsındıru çaraları turında kileşügä ireşkänçegä qädär İran Yewropanıñ taläplärenä waqıtlıça rizalaşaçaq.
XS
SM
MD
LG