Accessibility links

Кайнар хәбәр

Fälästin citäkçelege belän Arafatnıñ xatını arasındağı bäxäs.


Fälästinnärneñ citäkçese Yasir Arafat bik xasta. Monısı mäğlum. Läkin, başqa ber nindi dä mäğlümät yuq. 75 yäşlek Arafanıñ vazğiäte xaqında serlelek xökem sörä. Fälästin väkilçelege Parijğa barğan xäldä dä, Arafatnıñ xatını qarşılıq kürsätkännektän, anıñ Fälästin citäkçesen kürep-kürmiäçäge bilgesez.

Fälästun väkilçelege Parijğa bara, barmıy, bara. Äyye, qäderle tıñlauçılar, elek Arafatnıñ närsä eşliäçägen aldan belü mömkin bulmağanı kebek, anıñ tiräsendä xäzer dä serlelek-bilgesezlek xökem sörä. Ul uzğan aynıñ azağında Parijğa kiterelep , xärbi xastaxanägä salındı. Küpçelek raportlarda ul märtkä kitkän dielsä dä, täfsille häm ışanıçlı mäğlümät yuq. Arafat turındağı informatsiäne , anıñ xaını Suha xanım kontrol itä. Fälästin citäkçeseneñ sälämätlege mäsäläsendä mäğlümätneñ bulmauı, Fälästin citäkçeläre belän Suha xanım arasında bäxäskä säbäp buldı. Premier minister Ahmed Qoray, Fälästin Azatlıq Oyışması räise vazıyfasın ütävçe Mahmud Abbas häm tışqı eşlär ministere Nabil Şaat Parijğa barıp, Arafatnıñ xäle turında turıdan-turı mäğlümät alırğa telävlären belderdelär. Läkin, Arafatnıñ xatını Suha xanım Al Cazirre televideniäsendä tapşırılğan intervyusında, mona qarşı çıqtı häm Fälästin citäkçelären süz berläşterüdä ğäyepläde.

Audio

"Min Fälästin xalqına süz berläşterüneñ bulun belsennär dip mörcäğät itäm. Alar Abu Ammarni yäğni Yasir Arafatnı tere köyençä kümärgä tırışalar. Abu Amar yaxşı häm vatanına kire qaytaçaq. Bez ciñep çıqqançığa qädäre revolutsiä dävam itäçäk."

Arafatnıñ xatını Suha xanımnıñ bu belderüe delegatsiäneñ vizittan vaz kiçkän buluın belderüenä kiterde. Läkin, küp tä ütmäde, väkilçelek qararın yañadan üzgärtep Parijğa baraçağın belderde. Fälästin xökmäteneñ väkile Salax al-Pamari Ramalahda Arafatnıñ xatın tänqitläp çığış yasaadı.

Audio

"Arafat xatınınıñ 40 yıldan birle Arafatıñ xezmättäşe häm köräştäşe bulğan şäxeslärne süz berläşterüdä ğäyeplärgä xaqı yuq. Bezneñ Arafatnıñ sälämätlege xaqında döreslekne belergä xaqıbız bar. Älegäçä bez berberenä qapma-qarşı imeş-mimeşlär genä işettek."

Soñğı mäğlümätlärgä qarağanda, väkilçelek Yordaniä aşa Parijğa kitäçäk häm irtägä Arafatqa vizit yasayaçaq. Läkin, Suha xanım moña rizalıq birerme, birmägän xäldä, ni bulaçaq digän soraularğa älegä cavap yuq.

Färit İdelle, Praga.
XS
SM
MD
LG