Şahitlär äytüençä, düşämbedä amerikan xärbiläre tank häm oçqıçlar yärdämendä Fallucağa könçığış häm könbatış yaqlap yaqınayğan. Ğisyançılar granatomet häm başqa törle aqwır qoraldan cawap qaytarğannan soñ, alarnıñ nığıtmaları artilleriä häm hawa utına totılğan.
Kilgän mäglümätlärgä qarağanda töp höcümgä äzerlek eşläre tämamlanıp kilä. Düşämbedä Ğiraqnıñ waqıtlı premier-ministrı Ayad Allawi, amerikan xärbilärenä Fallucağa höcüm başlarğa fatixa birüen belderde:
Audio (Ayad Allawi) "Min xalıqara köçlärgä üz fatixamnı birdem, Ğiraq xärbilärenä alarnı äydärgä fatixa birdem. Bez Fallucanı terrorçılardan arındırırğa cıyınabız. Fallucanıñ tınıç xalqın saqlaw maqsatı belän şähärdä komendant säğäte kertelä."
10 meñläp amerikan xärbie häm küpmeder sanda ğiraq ğäskäriläre xäzer şähär tiräli nığıtmalar qora. Töp höcümneñ qayçan başlanası bilgesez. Belgeçlär fikerençä, äzerlek ozaqqaraq suzılğan sayın, qamawğa alınğan ğisyançılarnıñ xäle awıraya bara, çönki azıq-tölek, su häm dä qoral saqlanmaları kimi bara.
Uzğan töndä amerikan häm ğiraq xärbiläre Fallucanıñ üzäk xastaxanäsen basıp aldı. Bu ğämäl televideniedä kürsätelde. Allawi süzlärençä, xastaxanädä 4 çit il terrorçısı totılğan, tağın 38 suğışçı üterelgän. Pentagon räsmiläre äytüençä, xastaxanä qulğa töşkännän soñ, ğisyançılarğa tınıç xalıq arasında küp sanlı qorbannar turında yalğan xäbär taratu awır bulaçaq. Yaz könne, xastaxanädän, 500läp tınıç keşe ülgän digän xäbärlär kilgäç, amerikannar höcümnären tuqtatırğa mäcbür bulğan ide. Waşington ul xäbärlärne ğisyançılarnıñ propagandası dip atadı.
Fallucağa bulası höcümneñ ike maqsatı äytelä. Berse – Ğiraqnıñ waqıtlı xökümätenä bu şähärdä kontrol urnaştırıp ğinwar ayında saylawlar ütkärü mömkinlege birü. İkençese – anda sıyınğan ğisyançılarnı yuq itü.
Düşämbedä amerikan diñgezçeläre başlığı general John Sattler höcümgä amerikannar belän äzerlängän Ğiraqnıñ maxsus köçlär törkemeneñ ruxın kütärde:
Audio (John Sattler) "Urtaq künegülärdä sez üzegezneñ suğışçı ruxığıznı kürsättegez. Xäzer bez Falluca xalqına üz şähärlären qaytaru öçen şuşı bar ruxıbıznı biräçäkbez."
Amerikan komandirları üz xärbilären, şuşı Falluca höcümennän soñ ğisyançılarnıñ bar Ğiraq buylap ruxı sınaçaq, dip ruxlandıra. Ämmä qayber belgeçlär başqa fikerdä. Londonda çığa torğan Jane''s Defence Weekle isemle xärbi jurnal mäxärrire İan Kemp:
Audio (İan Kemp) "Falluca höcüme soñı bäreleş bulaçaq dip ömetlänüçellär bik nıq yalğışa. Çönki ğisyan bar il buylap bara. Misal öçen, uzğan atnakiç hälaq bulğan britan xärbiläreneñ Falluca belän ber qatışı yuq. Soñğı atnalarda Ğiraqnıñ iminlek köçlärenä, Polşa, Britania bilämälärenä bulğan xöcümnärneñ berseneñ dä Falluca belän bäyläneşläre yuq."
Pentagon räsmiläre äytençä, xäzer Fallucada meñnän alıp 6 meñgä qädär ğisyançı qamawğa alınğan. Alar araısnda elekke Saddam tarafdarları da, İordaniäle Äbü-Musa Äl-Zarqawi citäklägän çit il suğışçıları da bar.
-Ali Gilmi
Kilgän mäglümätlärgä qarağanda töp höcümgä äzerlek eşläre tämamlanıp kilä. Düşämbedä Ğiraqnıñ waqıtlı premier-ministrı Ayad Allawi, amerikan xärbilärenä Fallucağa höcüm başlarğa fatixa birüen belderde:
Audio (Ayad Allawi) "Min xalıqara köçlärgä üz fatixamnı birdem, Ğiraq xärbilärenä alarnı äydärgä fatixa birdem. Bez Fallucanı terrorçılardan arındırırğa cıyınabız. Fallucanıñ tınıç xalqın saqlaw maqsatı belän şähärdä komendant säğäte kertelä."
10 meñläp amerikan xärbie häm küpmeder sanda ğiraq ğäskäriläre xäzer şähär tiräli nığıtmalar qora. Töp höcümneñ qayçan başlanası bilgesez. Belgeçlär fikerençä, äzerlek ozaqqaraq suzılğan sayın, qamawğa alınğan ğisyançılarnıñ xäle awıraya bara, çönki azıq-tölek, su häm dä qoral saqlanmaları kimi bara.
Uzğan töndä amerikan häm ğiraq xärbiläre Fallucanıñ üzäk xastaxanäsen basıp aldı. Bu ğämäl televideniedä kürsätelde. Allawi süzlärençä, xastaxanädä 4 çit il terrorçısı totılğan, tağın 38 suğışçı üterelgän. Pentagon räsmiläre äytüençä, xastaxanä qulğa töşkännän soñ, ğisyançılarğa tınıç xalıq arasında küp sanlı qorbannar turında yalğan xäbär taratu awır bulaçaq. Yaz könne, xastaxanädän, 500läp tınıç keşe ülgän digän xäbärlär kilgäç, amerikannar höcümnären tuqtatırğa mäcbür bulğan ide. Waşington ul xäbärlärne ğisyançılarnıñ propagandası dip atadı.
Fallucağa bulası höcümneñ ike maqsatı äytelä. Berse – Ğiraqnıñ waqıtlı xökümätenä bu şähärdä kontrol urnaştırıp ğinwar ayında saylawlar ütkärü mömkinlege birü. İkençese – anda sıyınğan ğisyançılarnı yuq itü.
Düşämbedä amerikan diñgezçeläre başlığı general John Sattler höcümgä amerikannar belän äzerlängän Ğiraqnıñ maxsus köçlär törkemeneñ ruxın kütärde:
Audio (John Sattler) "Urtaq künegülärdä sez üzegezneñ suğışçı ruxığıznı kürsättegez. Xäzer bez Falluca xalqına üz şähärlären qaytaru öçen şuşı bar ruxıbıznı biräçäkbez."
Amerikan komandirları üz xärbilären, şuşı Falluca höcümennän soñ ğisyançılarnıñ bar Ğiraq buylap ruxı sınaçaq, dip ruxlandıra. Ämmä qayber belgeçlär başqa fikerdä. Londonda çığa torğan Jane''s Defence Weekle isemle xärbi jurnal mäxärrire İan Kemp:
Audio (İan Kemp) "Falluca höcüme soñı bäreleş bulaçaq dip ömetlänüçellär bik nıq yalğışa. Çönki ğisyan bar il buylap bara. Misal öçen, uzğan atnakiç hälaq bulğan britan xärbiläreneñ Falluca belän ber qatışı yuq. Soñğı atnalarda Ğiraqnıñ iminlek köçlärenä, Polşa, Britania bilämälärenä bulğan xöcümnärneñ berseneñ dä Falluca belän bäyläneşläre yuq."
Pentagon räsmiläre äytençä, xäzer Fallucada meñnän alıp 6 meñgä qädär ğisyançı qamawğa alınğan. Alar araısnda elekke Saddam tarafdarları da, İordaniäle Äbü-Musa Äl-Zarqawi citäklägän çit il suğışçıları da bar.
-Ali Gilmi