Accessibility links

сишәмбе, 6 декабрь 2016, Казан вакыты 03:58

İrannıñ atom programması turında kileşügä tizdän ireşeler dip kötelä


İran, Yewropa Berlege häm xalıqara atom energiäse idaräse räsmiläre İrannıñ atom programması turındağı tärräqiät itüçe kileşü xäbärenä saqlıqlı reaksiä kürsätä. Yewropa Berlegeneñ tışqı säyäsät öçen cawaplı yuğarı wäkile Javier Solana İran häm Yewropa Berlegendäge 3 däwlät Britaniä, Germaniä Fransiä İrannıñ uran bayıtu häm eşkärtü eşen tuqtatu turındağı kileşügä şaqtıy yaqın dide. Kileşügä ireşelü turında berniçä säğät yäki kön eçendä iğlan itelergä mömkin dide Solana. Tähranda İran tışqı eşlär ministrı Kamal Xarrazi däwlät televideniesenä täğäyenle kileşügä tizdän ireşeler dip ömetlänüe turında äytte. Xalıqara Atom Energiäse İdaräse başlığı Möxämmät äl-Baraday, täqdim itelgän kileşü turında qayber närsälärne belüe turında äytep, kileşü İranda uran bayıtu eşen tuqtatunı küzdä totar dip ömetlänüen belderde.

AUDİO: Miña bu kileşüneñ sınaw kileşüe genä buluı turında äyttelär. Älegä ul raslanmağan. Min ike yaq belän dä söyläştem. Şulay da min aldağı berniçä köndä ul kileşüne täğayın raslarlar dip ömetlänäm. Min bu döres yünäleştäge adım bulaçaq dip isäplim.

AQŞ İrannı yäşeren räweştä atom qoralı yasarğa tırışuda ğäyepli häm bu mäs'äläne BMO iminlek şurasına kütärergä teli. İran bez atom töşennä barı energiä genä alırğa telibez di.

XS
SM
MD
LG