Accessibility links

шимбә, 3 декабрь 2016, Казан вакыты 16:44

Yewropa Berlege belän Rusiä sammitı dikäberdä ütärgä mömkin


Yewropa Berlege Berlek belän Rusiä arasındağı yuğarı däräcä oçraşu kiläse ayda ütkäreler dip ömetlänüen belderde. Bu oçraşu bu pänceşämbedä Haagada ütärgä tieş ide, ämma uzğan atnada anıñ ütmäyäçäge açıqlandı. Oçraşu yaña strategik xezmättäşlek söyläşülärendäge problemalar säbäple bulmıy qaldı. Berlek süzçese Emma Udwin taraflar äle dä kileşü öçen tırışa dide. Uzğan comğada Yewropa Berlege räsmiläre Berlek belän kileşmäwçänleklär qalu säbäple Rusiä prezidentı Vladimir Putin küptän kötelgän xezmättäşlek kileşüen imzalamıyaçaq dip belderde. Bu kileşü nigezendä Rusiä Berlektäge yaña äğzalar bulğan Estoniä häm Latviä belän çik buyı bäxäslärendä söyläşülär aşa çişeleş tabarğa, keşe xoquqların, qanun tärtiben xörmät itärgä häm küpläp üterü qorallarınıñ taraluına qarşı eşlärgä digän yöklämälär alırğa tieş.

XS
SM
MD
LG