Accessibility links

пәнҗешәмбе, 8 декабрь 2016, Казан вакыты 17:21

Xökümät räise Koreada, ministrlar – yözüdä


Bäyrämnär waqıtında säyäsi tormışqa tınlıq küzätelsä, mädäni, ictimaği dairälärdä canlanu sizelä. «Yaña ğasır» kanalı xäbär itkänçä, yal könnärdä yul qazaları sanı azayğan, aşığıç yärdäm, yanğın sünderü maşinalarnıñ çaqırtu kimegän. Petr-Pavel soborı idän astında artilleriä qoralı häm ike torpeda tabılğan. Sobornı tözekländerü eşlären alıp baruçı keşelär qorallarnı tapqaç, soperlarnı çaqırıp, eşne tuqtatqan. Eçke eçlär ministrlığı wäkilläre beldergänçä, bu qorallar watan suğışınnan birle yatqanğa oxşıy, häm alarnıñ keşelär öçen qurqınıçı yuq.

Tatarstan delegatsiäseneñ Könyaq Koreyäga säfäre tämamlana. Anda xökümät räise Röstäm Miñnexanov kitep barğan ide. Belgänegezçä, Tatarstanlılar Konyak Koreya şirkätläre belän Tübän Kamada neft’e-ximiä qorılmaların tözergä cıyına.

Ägär Tatarstan Premer-minstrı Röstäm Miñnexanov Qazanda bulsa, ul da, ministrlar arasında ütkärelgän yözü yarışında qatnaşır ide. 8 noyäber könne, Yäşlär eşläre häm sport ministrlığı, basseynda yarış ütkärde, anda qayber Tatarstan ministrları qatnaştı. Finişqa berençe bulıp tözeleş häm toraq-kommunal xucalıq ministrı Marat Xösnullin kilde, ä säwdä ministrı Xafiz Salixov startta beraz totqarlanu säbäple, yözü yarışında ikençe buldı. Qalğan ministrlarnıñ nindi tizlek belän yözüe turında xäbär itelmi.

Marat Xösnullin 9 noyäberdä dä iğtibar üzägendä buldı. Ul toraq kommunal xucalıqqa investorlarnı cälep itü turında matbuğat oçraşuın ütkärde. Ministr süzlärençä, toraq-kommunal xucalıqnıñ burıçları 6 milliard sumnı täşkil itä. Bu xäldän çığu öçen berdänber yul - toraq- komunall xucalıqqa eşmäkärlärne cälep itü, dip söylägän ul.

Tatarstanlılar älegä 10 noyäbergä bilgelängän waqiğalarğa äzerlänep tora. Çärşämbe könne Qazan Däwlät Universitetınıñ 200yıllığan bağışlanğan bäyräm çaraları başlana. Jurnalistika fakul’tetınıñ yaña binası açıla häm yubiley konsertı ütäçäk. Şulay uq, Kamal teatrı, sişämbe könne premyerağa äzerlänä. Zölfät Xäkimneñ «Telsez küke» digän säxnä äsäre, 10 noyäberdä, täwge tapqır kiñ cämäğätçekkä kürsäteläçäk.



Bikä Timerova.

XS
SM
MD
LG