Accessibility links

якшәмбе, 4 декабрь 2016, Казан вакыты 02:55

Qaraçay-Çärkäs Respublikasında açulı törkem xökümät binasına bärep kerde


Rusiäneñ Qaraçay-Çerkes respublikasında prezidentnıñ kiäwe berniçä üterüdä şiklänelü säbäple xökümätneñ urınınnan kitüen taläp itüçelär bügen xökümät binasın yawladı. Çerkesski şähärendä bina yanında 3 meñläp keşe cıyılda, berniçä yöz keşe binağa bärep kergän Protest belderüçelär Qaraçay-Çärkäs prezidentı Mostafa Batdiev belän söyläşergä teläwlären belergäç ul qaçıp kitkän. Militsiä törkemne quıp taratu öçen yäş gazı qullanğan. İke yaqtan da yaralanuçılar bar dielä. Uzğan ayda Qaraçay Çerkes respublikasında 7 käsepçe yuğalğan ide. Kiçä xaqimiätlär 7 mäyet taptı. Käsepçelärneñ tuğannı isäpläwençä, alarnı üterüdä Batdievnıñ kiäwe Ali Kaitovnıñ qatnaşı bulğan . Bu üterülärdä şiklänelgän berniçä keşe qulğa alındı. Kaitov üktäber axırında militsiägä birelde häm üterü ğäyepläwläre nigezendä yabıp quyıldı. Ämma ul üzenä qarşı çığarılğan ğäyepläwlärne kire qağa.

XS
SM
MD
LG