Accessibility links

якшәмбе, 4 декабрь 2016, Казан вакыты 17:23

Bötendönya yäşlär könen tatar oyışmaları ğına ütkärde


Bötendönya yäşlär köne, berençe tapqır, zurlap 2000nçe yılda, Torontada ütkärelgän. Annan soñ, meñlägän yäş keşe cıyıp, zur forumnar uzdırılmağan bulğan. Ul waqıtta, ikençe andıy çaranı, 2005 yılda Germaniädä qabatlarğa kileşelgän bulğan. Anda Tatarstan wäkilläre qatnaşırmı, yuqmı, älegä bilgesez. Tatarstannıñ sport häm yäşlär eşläre ministrlığı xezmätkärläde birgän mäğlümatlarğa qarağanda, respublikada, bötendönya yäşlär könen räsmi räweştä bilgeläp ütmilär, barı Rusiä yäşläre könendä genä çaralar ütkärälär.

Ä «Böten dönya tatar yäşlär forumı» isä bu könne iğtibardan çığarmağan, häm, üz ura bulsa da, bäyräm itkän. «Bötendönya tatar yäşlär forumı»nıñ buro citäkçese Azat İslaev äytkänçä, alar üzlären dönya yäşlär xäräkäteneñ äğzäläre itep xis itä häm eşçänlekne xalıqara däräcädä alıp barırğa teli. Misal itep, bötendönya törki yäşlär berlegenä kerergä cıyının, Rumıniädä ütkän cıyında qatnaşuın atadı. Dönyanıñ törle poçmağında yäşi torğan tatar yäşläre belän dä eşlibez, dide Azat İslaev. «Botendönya tatar yäşlär forumı»nıñ buro äğzäläre üzläreneñ tarafdarların, Urta Aziä respublikaları, Baltiq buyı illärendäge, Törkiä Finländiä häm Rusiä tatar yäşlären xalıqara bäyräm belän qotlıy.

Bikä Timerova .

XS
SM
MD
LG