Accessibility links

шимбә, 10 декабрь 2016, Казан вакыты 02:20

Ğıraq premierı yaqınnarın urlaw Falluca höcümen tuqtatu omtılışı dip qarala


Ğıysyançılar qulındağı sönni Falluca şähren irekländerü öçen amerikan wä ğıraq xärbiläreneñ düşämbedä başlatqan häcüm däwam itä. Xäbärlärgä qarağanda şähärneñ 70% irekländerelgän.Fallucağa höcümneñ tiskäre täsire dä şunduq kürende. Allawi xökümätendäge möhim sönni partiä waqıtlı xökümättän çigenüen belderde.Sönni ruxanilär ğıynuar saylawlarına boykot iğlan itergä çaqıra. Sişämbedä Allawineñ 3 yaqınınıñ urlanuı säyäsi basımnıñ başqa ber küreneşe bulıp tora.

Eleke häm älege AQŞ administratsiäse räsmiläre qaraşınça Ğıraqta ğıynuar ayında planlaştırılğan saylawlardan elek ildäge ğıysyanlar bastırıla ala.Fallucadan kilgän xabärlärgä qarağanda AQŞ häm Ğıraq xärbiläre tizdän şähärdä kontrol urnaştıraçaq kebek kürenä. Ämma operatsiä çınlap uñışlı buldımı , ul soñraq bilgele bulır . Ägär dä ğıysyançı törkemnäreneñ citäkçeläre sonraq Fallucada yäki annan qaçıp çığıp başqa urınnarda yañadan başkütärü oyıştırsalar uñışlı operatsiä turında söyläp bulmas. Çönki Samara häm sönni öçpoçmağı dip yöretelgän urında andıy xällär buldı inde.Älegä Fallucadağı bäreleşlärdä 11 amerikan 2Ğıraq soldatı xäläk buldı. Yaralanuçalır turında töğäl sannar yuq. Şähär xalqı arasında yuğaltular zur dip belderelde.Sişämbedä Pentagonda general leytinant Thomas Metz Falluca öçen suğış berniçä kön däwam itä ala dip äytte.General Metz tağı Fallucada başkütärüne oyıştıruçı dip qaralğan yordaniäle terrorçı Abu Musab Zarqawi häcümnän elek çığıp kitkän bulırğa tieş dip tä äytte . AQŞ Fallucada häcüm başlağanda anda 6meñ ğıysyançı bar alarnıñ 80% ğıraqlı ä qalğannarı Zarqawi kebek çit il keşeläre dip texmin itte. Pentagonnıñ sonğı farazına qarağanda Fallucada amerikan häm ğıraq armiäsenä qarşı 2-3meñ başkütärüçe qatnaşa.Premyer Allawinıñ waqıtlı xökümätendä utıruçı sönnilärne wäkillek itkän İslam partiäse Fallucadağı höcümgä protest belderep xökümättän çıgende.Partiä şulayuq üzeneñ xökümättäge berdänber wäkile industriä ministırı Hajem al Hassanigä dä urınınnan kitergä quştı. Hassani çigenüne kire qaqqaç, partiä ul bezne wäkillek itmi digän belderü belän çıqtı. İslam partiäse Ğıraqnıñ in iske sönni säyäsi partiä. 1960nçe yılda oyışqan partiä Saddam rejimı waqıtnda tıyılğan ide. 3meñ mäçetne wäkillek itkän ruxanilärneñ Möselman Ğäläması Berläşmäse dä ğıynuardağı saylawlarnı boykotqa çaqırdı.Belderüdä ğıraqlılar Fallucada häm başqa urınnardağı mäyetlär häm yaralanuçılar qanı östendä ütkäreläçäk saylawlarğa qatnaşmasqa öndelä.Şığı ğıysyançılarınıñ citäkçse Muqtada al Sadr da Fallucağa höcüm barlıq ğıraqlılarğa höcüm digän belderü yasadı . Premyer Allawınıñ 3yaqınıñ sişämbedä urlanuı Falluca häcümen tuqtatu öçen yasalğan başqa ber omtılış bulıp tora. Bu turıda Azatlıqnıñ Pragadağı başkavartirasına kilgän Allawinıñ Milli Kileşü partiäseneñ äğzası Muna Ali urlaw politik motivlı eş dide (audio) Urlaw älbättä törle säbäplärdän säyäsi basım çarası, misal öçen Fallucadağı operatsiäne tuqtatu, saylawlarğa qarşılıq kürsätü yäki başqalar. Minemçä terrorçılarğa birelü säyäsi xata bulır ide , bu bulmayaçaq dip äytte. Ali urlanğan Allawi yaqınnarnıñ berseneñ dä Ğıraqta säyäsi role yuq , alar tik premyer yaqınnarı bulğan öçen genä urlandı dide . İslamçılarnıñ säxifäsendä Ansar al Jihad isemle törkem Fallucadağı operatiä tuqtatılmasa häm totqınnar irekkä çığarılmasa Allawineñ berençe kuzene , anıñ xälel cifäte häm kilene 48säğättän soñ ütereläçäk dip yazıp çıqtı. färidä xämit
XS
SM
MD
LG