Accessibility links

пәнҗешәмбе, 8 декабрь 2016, Казан вакыты 19:06

Ğiraqnıñ Mosul şähärendä ğädättän-tış xäl kertelde. Fällucada bäreleşlär däwam itä


Ğiraq räsmiläre bügen ilneñ 3nçe zur şähäre, Mosulda, kierenkelek artu säbäple, aşığıç räşweştä ğädättän-tış xäl kertte. Şähärdä berniçä bäreleş bulağn, şul isäptän, amerikan xärbilärenä ike höcüm yasalğan. Ber kön elek töñge komendant waqıtı Bagdadta kertelgän ide. Düşämbedä täwlek äylänä ğädättän-tış xällär Falluca belän kürşe Ramadida kertelde. Ul arada 15 meñläp amerikan häm Ğiraq xärbie Fälluca qalasın ğisyançılardan arındıru operatsiäsen däwam itä. Amerikan xärbiläre äytüençä, kimendä 11 amerikan xärbie häm 2 Ğiraq xärbie hälaq bulğan. Ğiraqnıñ Qızıl Xac oyışması xezmätkäre Äbdel Xämid Sälim süzlärençä anıñ oyışması Fälluca xalqına yärdäm kürsätä:

Audio (Äbdel Xämid Sälim): "Qızıl Xac oyışması Fällucağa yärdäm cibärä, şähär xalqı, qorbannarğa yärdäm itü öçen aşığıç yärdäm komitetı tözelde. Xäzer tabiplar äzerläw bara."

Ğiraqtan kilgän başqa xäbärlärgä qarağanda, Samarra, Balad häm Tuz şähärlärendä yulğa quyılğan bombalar şartlaw näticäsendä Ğiraqnıñ kimendä 7 politsiä xezmätkäre häm ber amerikan xärbie hälaq bulğan.

XS
SM
MD
LG