Rusiäneñ Qaraçay-Çerkes respublikası prezidentı Mostafa Batdıev, anıñ urınınan kitüen taläp itkän namayışlarğa qaramastan, wazifasınnan çigenmäyäçägen belderde. Namayışta qatnaşqan yözlägän keşe prezidentnıñ kiyäwe, Ali Kaitovnı keşe üterüdä ğäyepli. Kiçä alar xökümät binasına kerep, prezidentnıñ eş urının basıp aldı häm anı çigenergä taläp itä. Rusiäneñ baş prokuror urınbasarı Nikolay Şepel, binanıñ basıp alınuı uñayınnan cinäyät eşe açıluın belderde:
Audio (Nikolay Şepel): "Qanunsız yullar belän maqsatqa iteşü qabul itelmäslek närsä. Bez bu xällärne centekläp tikşeräçäkbez."
Küptän tügel Çerkasskida elegräk yuqqa çıqqan 7 eşquarnıñ ğäwdäse tabıldı. Qorbannarnıñ yaqınnarı bu üterülär artında prezidentnıñ kiyäwe Ali Kaitov tora dip belderä. Uzğan ayda Kaitov üz ixtiarı belän militsiägä birelde, häm bu üterülärgä qatışı buluın kire qağa.
Audio (Nikolay Şepel): "Qanunsız yullar belän maqsatqa iteşü qabul itelmäslek närsä. Bez bu xällärne centekläp tikşeräçäkbez."
Küptän tügel Çerkasskida elegräk yuqqa çıqqan 7 eşquarnıñ ğäwdäse tabıldı. Qorbannarnıñ yaqınnarı bu üterülär artında prezidentnıñ kiyäwe Ali Kaitov tora dip belderä. Uzğan ayda Kaitov üz ixtiarı belän militsiägä birelde, häm bu üterülärgä qatışı buluın kire qağa.
