Accessibility links

пәнҗешәмбе, 8 декабрь 2016, Казан вакыты 14:55

Omski kommunistları 7 noyäberdä ike cıyın ütkärde


Tatulıq häm kileşü köne Omskida ğadättägeçä demonstratsiä, mitinglar belän tınıç qına ütte. Döres, bu yulı qızıl älämnär astında uramğa çığuçılar saflarında tatulıq ta, kileşü dä bulmadı. 7nçe noyäberdä demonstratsiägä Omski kommunistları berençe märtäbä ikegä bülenep çıqtılar häm mitingnı da ike urında ütkärdelär. Aleksandr Krawes citäklägän Bötenrusiä kommunistlar partiäseneñ Omski bülege şähär üzägendäge mäydanğa meñgä yaqın keşe cıydı. Monnan ike ay elek kenä oyışqan yaña kommunistlar firqäse ütkärgän mitingta xalıq küpkä azraq buldı. Kiläçäk partiäse dip isemlängän bu yaña Bötenrusiä kommunistlar partiäseneñ Omski bülege räise, şähär şurası deputatı Svetlana Andruşko süzlärençä, yaña partiä aqtivraq eşlärgä cıyına, 11 yıl eşlägän partiä xalıq öçen ber nindi dä näticäle eş eşlämägän. Döres, älegä yaña firqağa iärüçelär sanı qırıqlap qına. Mitingta da monnan artıq keşe bulmadı. Şulay da firqa räise üzläreneñ saflarınıñ artuına, häm kiläçäktä mitinglarnı üzäktä, Lenin häykäle yanında ütkärä başlawlarına ışana. Swetlana Andruşko'nıñ kiläçäk partiäse kiläçäktä şähär üzägendä mitinglar ütkärä alırmı-yuqmı, ansı soraw astında. Çönki mäğlum bulğança, Däwlät Duması qararı belän tizdän bu bäyrämneñ bötenläy yuq itelüye dä ixtimal.

Rozaliä Sayganova, Omski

XS
SM
MD
LG