Accessibility links

якшәмбе, 4 декабрь 2016, Казан вакыты 23:30

Äl-Änfi Camal: “Fälistin xalqı milli azatlıq köräşen däwam itäçäk”


Yäsir Arafatnıñ wafat buluı ğadi xalıq arasında sizelerlek reaksiä quzğatmadı. “Azatlıq” radiosına Tatarstan Diniä näzaräte räise, möfti Ğosman xäzrät İskxaqıy dip belderde

İke keşeneñ, ike millätneñ, yähüd belän ğäräplär arasın yaxşırtuğa, qan tügüne tuqtatuğa xezmät itü sawaplı eş buldı. Yäsir Arafat şundıy keşe ide. İke millät arasında tınıçlıq küperläre saluğa xezmät itte, İzge Ramazan ayında can täslim qıldı. Bez aña doğada bulabız. Xodaydan, anıñ urınına Arafatnıñ tınıçlıq yulın däwam itkän, şul uq waqıtta İslam däräcäsen dä töşermägän keşe kilüen sorıybız

Tatarstanda cirle xalıq arasında reaksiä bulmasa da, Qazandağı “Şuruq” dip atalğan ğäräp oyışması citäkçese Äl-Änfi Camal “Azatlıq” radiosına bolay dip belderde

Min äyter idem, Arafatnıñ üleme bezneñ öçen zur yuğaltu. Bigräk tä fälistinlelär öçen. Ul ğömere buyı fälistinlelärne citäkläde häm üze dä simvol kebek buldı. Anı böten dönyada zur säyäsätçe bularaq belälär ide. Küp kenä illärneñ liderları belän tınıçlıq turında kileşü tözede. Allahı täğälä anı üzenä alğannan ğına, problema xäl itelmi. Fälistin xalqı milli azatlıq köräşen däwam itäçäk. Üz cirlären basqınnardan azat itü öçen köräşäçäk

Äl-Änfi Camal Arafat ülemen Tatarstanda yäşäwçe ğäräplär niçek bilgeläp ütäçäk digän sorawğa bolay dip cawap birde

Bez 14 noyäberdä qayıt bäyrämen kötäbez. Bez bit üz cirebezdä, watanıbızda tügel xäzer. Şuña kürä, bu könnärdä böten ğäräp illäre Arafatnıñ ülemen bilgeläp ütkän kebek çaralar uzdıra almıybız. Bez cirle zakonnarnı häm ğädätlärne xörmät itäbez. Şuña kürä ğäräplär kebek iskä alu bulmayaçaq. Monnan tış, Qazanda ğäräplär genä tügel, ä yähüdlärdä yäşi bit. Ä alar şaqtıy yoğıntı yasawğa iä. Bez Arafat ruxına bağışlap namaz uqırğa, televidenie aşa söylärgä telibez

Rafis Cämdixan

XS
SM
MD
LG