Fälestin xalqı bügen Yasir Arafat belän xuşlaşa. Fälestin citäkçese 75 yäşendä, cirle waqıt belän irtänge 3.30da Fransiäneñ xärbi xastaxanäsendä wafat buldı. Bu minuttlarda anıñ gäwdäse Misır başqalasına küçerelä. İrtägä Kahirädä Arafat belän xuşlaşu möräsime ütäçäk. Şimbä könne ul İordannıñ Könbatış yarındağı Ramalla qalasında cirlänä. Arafatnıñ cenazası waqıtında ixtimal çualışlarnı buldırmas öçen İzrail, Könbatış yarnı häm Gaza sızığın yabıp quydı. Arafatnıñ baş yärdämçese Yasir Abed Rabbo, anıñ eşen däwam itergä wäğdä itte:
Audio (Yasir Abed Rabbo): "Bez Arafat başqarırğa telägän eşne axırına citkeräçäkbez. Ul da bulsa: Fälestin xalqına bäysezlek yawlaw, başqalası izge Jerusalemda bulğan Fälestin däwläte tözü, Fälestin xalqınıñ distä yıllar däwam itkän ğazabın beterü."
Bügen Ramallada Fälestinne Azat itü Oyışmasınıñ yaña citäkçese itep ber tawıştan Mäxmüt Abbas saylandı. Fälestin Üzidaräse belän, aldağı 60 köndä, Konstitutsiä nigezendä Parlament räise Rawhi Fattuh idarä itäçäk.
Audio (Yasir Abed Rabbo): "Bez Arafat başqarırğa telägän eşne axırına citkeräçäkbez. Ul da bulsa: Fälestin xalqına bäysezlek yawlaw, başqalası izge Jerusalemda bulğan Fälestin däwläte tözü, Fälestin xalqınıñ distä yıllar däwam itkän ğazabın beterü."
Bügen Ramallada Fälestinne Azat itü Oyışmasınıñ yaña citäkçese itep ber tawıştan Mäxmüt Abbas saylandı. Fälestin Üzidaräse belän, aldağı 60 köndä, Konstitutsiä nigezendä Parlament räise Rawhi Fattuh idarä itäçäk.
