Accessibility links

чәршәмбе, 7 декабрь 2016, Казан вакыты 17:31

Fälluca höcümnärendä 500dän artıq ğisyançı üterelgän


Amerikan häm Ğiraq xärbiläre Fälluca qalasın ğisyançılardan arındıru ğämälen däwam itä. Pentagon räsmiläre äytüençä, 3 kön barğan bäreleşlärdä 500dän artıq ğisyançı üterelgän. 13 amerikan xärbie hälaq bulğan. Tınıq xalıq arasında qorbannar turında mäglümät yuq. Ul arada Ğiraqnıñ başqa urınnarında ğisyanıçlar bügen berniçä xöcüm yasadı. Bagdadnıñ säwdä töbägendä maşinağa quyılğan bomba şartlaw näticäsendä kimendä 10 keşe hälaq buldı, 20dän artığı yaralandı. Mosulda ğisyançılar berniçä politsiä bülegenä ut törtkän häm andağı qorallarnı urlağan. Kirkukta, töbäk citäkçese Äbdel-Rahman Mostafa ütkän yulda bomba şartlatılğan. Mostafağa zıyan kilmägän, läkin 14 keşe yaralanğan, dip xäbär itelä. Fälluca yanında, cirdän ut açılğannan soñ, ike amerikan boralağı cirgä töşep utırırğa mäcbür bulğan. Amerikan xärbiläre äytüençä, qorbannar yuq.

XS
SM
MD
LG