AQŞ häm Ğiraq xökümäte köçläre Fällücädäge ğisyançılarğa qarşı xärbi operatsiäne däwam itep öydän-öygä alğa bara. Ul arada başqa şähärlärdä dä bäreleşlär başlanuı turında xäbär itelä.
AQŞ xärbiläre äytüençä, AQŞ häm Ğiraq köçläre Fällücäneñ küpçelek öleşen yawlap alğan.
Öydän-öygä yörep tikşerüçe xärbilär qoral tuplanmaları tapqan, ğisyançılar qulındağı berniçä keşene azat itkän.
Ämma Qızıl Yarımay wäkile Firdüs äl-Ubadi Fällücädäge bäreleşne zur faciğä dip atadı häm şähärdäge tınıç xalıqnıñ sälamätlege, isänlege öçen AQŞ köçläre belän Ğiraq xökümäte cawaplı dide.
AQŞ köçläre uzğan töndä Mosul şähärenä hawa höcüme yasadı. Bu hawa höcümnäre politsiä stansiälärenä ut açqan, häm bu atnada politsiä belän uram bäreleşlärendä qatnaşqan ğisyançılarğa yünältelde.
AQŞ xärbiläre äytüençä, Mosuldağı atışlarda ber amerikan soldatı hälak bulğan.
Kirkük şähärendä politsiäneñ 3 tikşerü qapqasına höcüm bulğan.
Ğiraq politsiäse häm xökümät köçläre Baquba şähärendä 1 ğisyançını üterde, öçesen qulğa aldı dip xäbär itelä.
