Rusiä prezidentı Vladimir Putin Başqortstannıñ xalıq şağire Mostay Kärimne «Watan aldındağı xezmätläre öçen» II däräcä ordenı belän büläkläw turında färmannı imzalağan. Bu xaqta Ufada 12 noyäbr könne xäbär itelde.
Qotlaw turındağı qararda äytelüençä, bu yuğarı büläkkä Mostay Kärim il ädäbiäten üsterügä kertkän zur xezmätläre häm ozaq yıllar däwam itkän ädäbi icatı öçen layıq bulğan.
Älege büläkneñ beraz soñlawı ğına säyerräk. Ğädättä, andıy yuğarı büläklär näq yübilyärnıñ tuğan köne tiräsendäräk iğlan itelä. Ä Mostay Kärim üzeneñ 85 yäşlek yübileyen 20 üktäberdä ük bilgelägän ide. Kem äytmeşli, soñ bulsa da – uñ bulsın. Xalıq şağireneñ distälärçä orden medälläre yanına tağın ber orden östälde. Äle ul ikençe däräcä orden belän büläklände. Ä tuqsan yäşlek yübileyenä berençe däräcälesen dä alır äle aqsaqal şağir.
