Accessibility links

җомга, 9 декабрь 2016, Казан вакыты 07:06

Uraza bäyräm Başqortstanda zurlap bilgelänäçäk


Ramazan ayı tämamlanu uñayınnan, Başqortstanda bäyräm çaraları başlana. 13 noyäbr kiçen, qoyaş bayığaç bar şähärlärdä häm rayonnarda mäçetlär häm mäxällälär bäyräm tantanalarına kerä. Uraza bäyrämenä äzerlek küp urınnarda aldan uq başlandı. 14 noyäbr könne Uraza bäyrämgä bağışlanğan iñ zur tantanalar Ufanıñ «Lälä Tülpan» cämiğ mäçetendä, Tuqay uramındağı iñ borınğı cämiğ mäçetendä häm Möselman ziratı bilämälärendäge «Ğufran» mäçetendä oyıştırıla. «Lälä – tyülpän» mäçetendäge tantanalarnı Üzäk häm urındağı telewidenie qanalları turı efirda kürsätäçäk dip kötelä. 14 noyäbrdä bäyräm çaraları şulay uq başqalanıñ «İxlas» mäçetendä, şulay uq Başqortstan möselmannarı diniä näzaratında häm Märyäm Soltanowa isemendäge islam institutında da oyıştırıla. Alarda bäyräm wägäzläre tıñlağannan soñ, bergäläp namaz uqular bulaçaq. Ä soñınnan möemin möselmannar bay sıy – niğmätle bäyräm tabınnarı artında tormışıbızğa bäräkät häm watandaşlarğa iman, tärbiäle tormış teläyäçäk.

XS
SM
MD
LG