Accessibility links

җомга, 9 декабрь 2016, Казан вакыты 03:03

Dalay Lama kiläse ayda Qalmıqstanğa kilä ala


Dharmsala, Hindstan. Biredä sörgendä yäşägän Dalay Lamanıñ matbuğat wäkile süzlärenä qarağanda, Tibetnıñ ruxi citäkçese Rusiädäge Qalmıqstanda yäşägän buddistlar çaqıruın tikşerä häm kiläse ayda Rusiägä kilä ala. Mäskäw elegräk, Tibetnıñ Qıtay öleşe buluına işarä itep, Dalay Lamağa Rusiägä kilü öçen viza birüne öç märtäbä kire qaqan ide. Ämma tışqı eşlär ministrı Sergey Lavrov kiçä, ägär dä säfär dini maqsatlarda ğına yasala ikän, Mäskäw Dalay Lama ğarizasın qarıy ala dip belderde. Tibet 1951-nçe yılda kommunistik Qıtay tarafınnan yawlap alınğannan birle anıñ citäkçese Dalay Lama Hindstanda sörgendä yäşi.

XS
SM
MD
LG