Accessibility links

шимбә, 3 декабрь 2016, Казан вакыты 14:39

Tatar televideniäse öçen tatar kadrların äzerläw


"Azatlıq" radiosınıñ yäkşämbe "Awlaq öy"enä räxim itegez, qäderle duslar! Äye, Alsu belän bügen sez äle oçraşırsız, utırmanıñ ikençe öleşendä ul sezgä, ğädättägeçä, çitkä kitüçelär turında söylär, bu yulı ul Moldovadağı xällärgä tuqtalaçaq. Ä bez isä Qazan belän Mäskäw arasında bulırbız.

Bu atna Tatarstan başqalasında andağı iñ olı yuğarı uqu yortı - Qazan Däwlät Universitetınıñ 200 yıllığın bilgeläw belän ütte. Moña äzerleklär ber yıldan artıq bardı häm tantanalarnıñ iñ yuğarı noqtası 17-nçe näoyäbrdä, Universitetnıñ tuğan könenä turı kiläçäk. Rusiä imperatorınıñ maxsus färmanı belän äle 1804-nçe yılda uq qorılğan şuşı uqu yortı üzeneñ berençe yözyıllığında nigezdä tatar fänenä xezmät itüdän yıraq tordı diärgä bula. Älbättä, Xälfinnärne, Karl Fuksnı, Qayum Nasırine iskä alıp bula, axırğı çiktä, Qazan Universitetnıñ Şäreq fakultetınıñ danın iskä töşerergä mömkin, ämma xaqiqät şul - başta ul Rusiäneñ kolonial'' institutlarınnan berse ide. Soñğı yıllarda anda tatar fänen, bigräk tä tel belemen, tarixın öyränü şaqtıy arttı. Bu könnärdä anda tağın ike yubiley - tatar tele häm ädäbiatı bülegeneñ 60 yıllığı häm Tatar filologiäse wä tarixı fakul''tetınıñ 15 yıllığı da bilgelänä. Ä menä alar inde tatar milläte yazmışına zur häm ifrat ta uñay tä''sir yasağan belem xäyätläre. Tatar yazuçıları diseñme, şağirläreme, tel ğalimnäre, jurnalistları, däwlät eşlekleläre - alarnıñ şaqtıy öleşe näq menä Qazan Universitetınıñ tatar bülege häm soñraq tatar fakul''tetı - tatfak - belän niçek tä bulsa bäyle. Şularnıñ küplären fakul''tetnıñ 11-nçe noyäbrdä Qazanda ütkän tuğan könendä kürergä mömkin ide. Moñardan tış Qazan Universitetı tatar xalqına jurnalistika fakul''tetında da tatar belgeçläre äzerläw belän xezmät itä, anda da tatar jurnalistikası bülege bar. Häm "Awlaq öy"neñ bügenge utırmasında bez şunda belem birgän häm belem alğan qayber keşelär belän söyläşerbez. Küptän tügel genä Mäskäwdä Qazandağı tatar jurnalistikası bülegennän ber törkem bulıp kitte. Jurnalistika fakul''tetındağı elektron mäğlümat çaraları teoriäse wä praktikası kafedrası xezmätkäre Mörşidä Cihan belän bergä berniçä tatar studentı Mäskäwgä qızıq qarar öçen genä tügel, ä andağı universitetnıñ jurnalistika fakul''tetında barğan däreslärenä kerergä dip, alarnıñ niçek uquın, närsä uquın qararğa dip kilgän. Rusiä başqalasında alar belän xäbärçebez Näzifä Kärimova oçraştı, Qazan qunaqları fikerläre belän bez "Awlaq öy" tıñlawçıların da tanıştırırğa buldıq. Söyläşüdä Mörşidä Cihannan tış Dinara Kamalova, Ayrat Möxämmätxanov häm Ğadilä tutaş ta qatnaşa. Başta süz Mörşidä Cihanğa.

Audio, Mörşidä Cihan

İnde studentlarnıñ üzlärenä süz. Ğadilä tutaş, xäzerge tatar jurnalistlarınıñ, bigräk tä televideniädä, yañaça, zamança eşläw alımnarın barı tik urıs kanallarınnan ğına ezläwe turında äytä. Ä başqa illärdäge täcribäne kürü, qullana belü kiräkme bügenge tatar televideniäsenä?

Audio

Ä inde kemneñ televideniädä eşli alu-almawı niçek bilgelänä? Moña keşeneñ tışqı qıäfäte ni däräcädä yoğıntı yasıy?

Audio, Mörşidä Cihan

Mörşidä Cihannı tatar televideniäsendä yarış bulmawı borçısa, student Dinara Kamalova bigräk tä, yäş tatar jurnalistların äzerläw eşeneñ tuğan teldä, tatar telendä tügel, ä nigezdä urısça alıp barıluı xaqında açınıp söyli.

Audio, Dinara Kamalova

Mäskäw universitetında belem birüne dä Qazannan kilgän qunaqlar küpkä yuğarıraq bäyäli. Anda alarğa bigräk tä, törle maxsuslaşu, jurnalistikanıñ tarraq ölkälärenä qarağan däreslär alu mömkinlege qızıqsındıra. Bu xaqta Ayrat Möxämmätxanov söyli.

Audio, Ayrat Möxämmätxanov

Xäbärçebez Näzifä Kärimova süzlärenä qarağanda, ä Qazan studentları belän Mäskäwdä näq menä ul oçraşqan ide, alarnıñ qayberäwläre xätta anda qalırğa häm belem aluın şunda däwam itärgä dä telägän.

break

Qäderle duslar, Mäskäwgä Qazan Universitetındağı tatar jurnalistikası bülegennän kilgän qunaqlar belän äñgämä tämam, "Awlaq öy"neñ berençe säxifäse dä yabıla, alda sezne yänä Alsu Qormaş kötä, ä min, Kärim Kamal, sezneñ belän älegä xuşlaşam.

XS
SM
MD
LG