Accessibility links

шимбә, 10 декабрь 2016, Казан вакыты 08:04

16 Noyäber – Dönya Tolerantlıq Köne


Ekstremistlar köçqullanunı aqlaw öçen dinne sıltaw itep qullana.Könbatışta möselmannarğa qarata doşmalıq köçäyä bara, sonğı könnärdä Niederlandtta meçitlärgä höcümnär artıp kitte.Şundıy waxşelek, yämsezlek xökem sörgändä küp kenä matur ürnäklär dä yuq tügel. Törle keşelär berberesenä bulışlıq , xörmät kürsätä.Menä şul matur küreneşlärne büläkläw öçen UNESCO yıl sayın 16nçe noyäberne '' Dönya Tolerantlıq Köne ''itep bilgeläp ütä.Şuşı mäxsus kön keşelärgä tolerantlıq, çıdamlıqnıñ tik xökümätneñ tügel ä ayrım şäxes, maxallä, cämğiätlärneñ eşe buluın xäterlätä.Çirattağı yazma törle krizis urınnarında ayrım keşelärneñ matur tırışlıq ürnäkläre belän tanıştıra.

Balkannar häm yaqın könçığış dönyadağı konflikt urınnarı.Ämma här ike töbäktä dä isketkeç,iqtibarğa layıq keşelär tolerantlıq kürsätep tirän upqınnarnı taraytırğa tırışa. Sarayevodağı Pontamina xorı yäki tatarçalaştırıp äytsäk ''ruxi küpr'' xorı ,fiker ayırmalıqların yaralarnı muzıka belän taraytmaqçı sawıqtırmaqçı. (audio) Şuşı xor Bosnia suğışı tämamlanğannan soñ ber yıl da ütmi oyıştırıldı. Anda törle dindäge keşelär qatnaşırğa çaqırıldı. AQŞta bu tör tırışlıqlarnı büläkläw öçen oyışqan urtaq nigezne ezläw fondı mart ayında Pontamina cırçıların büläkläde. Xalıqara yaqlanğan bu fond konfliktlarnı beterü tınıçlıq urnaştıru öçen yaña yullar ezläwçelärne büläkli.Şuşı fond Makedonya prezidentdı Boris Traykowskinı da büläkläde. Ni qızğanıç ki prezident fevral ayında oçqıç qazasında häläk buldı. Traikowski yıllarça däwam itkän suğışlar belän parçalanğan töbäktä tınıçlıq wä tolerantlıq öçen tırışıp kilüçe dip häm eçtä häm dä çit illärdä bik yuğarı bäyälängän şäxes idi.2001nçe yılda Makedoniäne watandaşlar suğışı busağasına kitergän albannarnıñ başkütärüen bastıru öçen ul zur bulışlıq kürsätte.Makedonyalılar menä närsälär äytte anıñ turında(audio) Ul bezneñ barırğa tieşle suqmaqnı bilgelägän istisna şäxes. Başqa ber makedonyalı (audio) Ul makedonyanıñ etnik maxallälären yaqınlaştırunı mäqsad itep quydı Bıyıl İzrael häm fälästinnär dä köç qullanılğan töbäktä xezmättäşlek häm üzara añlaşunı arttıru mäqsatında muzıka sportnı qullana başladı. Yähyd pasifistı , cır süzläre yazuçı Ofer Golany ğäräb xristian muzıkantlar belän bergäläp solıx öçen tırışa. (audio) Bıyıl ğıynuar ayında bertärkem yähüd häm fälästinnär bergäläp Antartikağa yul tottı. ''boznı watu'' dip atalğan şuşı operatsiädä yähüd häm fälästinnär könnärçä bozda yörede, elek ber kem dä bulmağan taularnı ütte. Dönya televidiniäläre şuşı maceranı kürsätkän ide. Mäqsat izrael häm fälästinnär bergä yäşi ala, tınıçlıqta bergä eşli ala dip kürsätü ide. Bıyıl şulayuq berençe märtäbä İzraeldäge ğäräb şährennän Bnei Saxnin futbol klubınıñ xalıqara säxnädä Yevropada futbol uynarğa xaq qazanuı İzraeldä futbol yaratuçılar öçen zur şatlıq buldı Qazaxstan da bıyıl dini çıdamlıqqa ürnäk buldı.Astanda yaña yul yortlar tözälü säbäple xristian Lutheran çirkäwe cimerelergä tieş bulğan. Qazax din ğalime Murtuza Bulutay planğa qarşılıq kürsätüçelärdän berse ide(audio) İslam tarixında ber qayçan da ğıybadätxanä, çirkäwlär cimerelmägän.Bezneñ din barlıq inanuçılarğa ireklek birä.Bezneñ qanunnarıbız da şundıy.Minemçä maxallä qanuni räweştä terkälgän ikän, bezneñ qanunnarğa kileşle Qazaxstan suverenlek häm territorial iminlegenä qurqınıç tudırmıy ikän anıñ ğıybadätxanäsen cimerü döres bulmas ide.Çirkäw cimerü xalıqara qanunğa, bezneñ qanun- mädäniätebezgä , traditsiä dinebezgä qarşı eş dip äytte Murtuza Bulutay. Üzäk Yevropada Çexiä häm Slovakiä televidiniäläre etnik azçılıqlarğa kübräk tolerantlıq kürsätü öçen ike proyekt äzerlägän. Çex TV çek malayı belän Vietnam qızı arasındağı duslıq turında seriä kürsätä başladı. Slovak TV çiğännar şähärgä kilä isemle Yevropanıñ berençe qızıqlı çiğän operası östendä eşli. Slovak televidiniäsennän Oleg Makara çigännär qaraq yäki sotsial yardäm belän yäşäwçe xalıq digän fikerlärgä qarşı kilä. Ul Yevropanıñ in küp çitkä qağılğan azçılığın uñay roldä kürsätmäkçe. 16nçe noyäber dönya tolerantlıq köne yäki töreklär äytmeşli dönya kürşelek köne . färidä xämit
XS
SM
MD
LG