Accessibility links

шимбә, 10 декабрь 2016, Казан вакыты 08:18

Başqortstan möselmannarı Uraza bäyrämen bilgeläde


Bäyräm çaraları Ufanıñ “Lälä-Tyulpan” cämiğ mäçetendä , Tuqay häm Noworossiyskiy uramnarındağı häm “Ğufran” mäçetendä uzdı.Rusiä möselmannarınıñ üzäk diniä näzaräte möftie Tälğät Tacetdin “Lälä-Tyulpan” mäçetendä uzğan ğíbadät qıluda qatnaştı.Bäyräm wäğäzendä ul yıldağıça dönyadağı ictimağí-säyäsi xällär , din häm başqa küp kenä mäsälälär xaqında söyläde.

Bäyräm könnärendä Ufa rayonınıñ Alekseyevskiy awılı häm Nefteqämä şähäre yanındağı Energetik qasabasında ike yaña mäçet açıldı.

Sosíalizm çorında beterelgän mäçetne qabat möselmannarğa qaytarıp birü oçrağı buldı.Borayda 1914nçe yılda tözelgän mäçet xalıqnıñ sorawı buyınça qabat möselmannarğa qaytarıp birelde.

Uraza ğayıte bulğan könnärdä republíkta “Xisb-ut Taxrir äl Íslami” firqäseneñ 16 äğzası qulğa alınğan.Alar Ufa , Sibay , Tuymazı häm Öktäberskiy şähärlärendä mäçetlärdä ğíbadät qılğan waqıtta listovqa taratuda ğäyeplänä.Rusiäneñ yuğarı mäxkämäse 2003nçe yıldağı qararı belän bu firqäneñ Rusiädäge eşçänlegen tíğan.

XS
SM
MD
LG