Accessibility links

җомга, 9 декабрь 2016, Казан вакыты 12:51

Serbiä prezidentı Boris Tadiç Mäskäwdä


Serbiä prezidentı Boris Tadiç bügen Mäskäwdä Rusiä tışqı eşlär ministrı Sergei Lavrov belän bulğan oçraşuda, Serbiä, Kosovonıñ bäysezlegen qabul itmiäçäk, dip belderde. Tadiç süzlärenä qarağanda, bäysez Kosovo töbäge böten Yevropağa qurqınıç tudıraçaq. Serbiä Rusiä anı bu mäs'älädä yaqlar dip ömetlänä. Jurnalistlar belän oçraşqanda, Lavrov, Serbiä mänfäğätläre iğtibarsız qalmayaçaq, dip belderde. "Kosovo mäs'äläsendä İminlek Şurası qararı nigezendä tözelgän Kontakt törkeme eşen däwam itü ähämiäte turında kileştek, aña Rusiä dä kerä. Bu inde üz çiratında Kosovonıñ alban bulmağan cämäğätçelegeneñ mänfäğätlären küz aldında totıp eşlänäçäk" dide Lavrov. Kosovo Kontakt törkemenä Rusiädän başqa Britaniä, Germaniä, İtaliä häm Amerika Quşma Ştatları kerä. Serbiäneñ mädäniät häm mäğlümat ministrı Dragan Koiadinoviç bügen Mäskäwdä ayırım matbuğat oçraşuı ütkärde, anda ul Belgradnıñ suğış waqıtında kitkän 250 meñ serb keşesen kire Kosovoğa qaytaru teläge turında belderde. Prezident Tadiç citäkçelegendäge Serbiä wäkilçele Mäskäwgä kiçä kilde, alar belän şulay uq patriarx Pavel da bar. Säfär öç kön däwam itä.

XS
SM
MD
LG