Xorvatiä häm Serbiä-Çernogoriäneñ yuğarı räsmi wäkilläre – Xorvatiä premyer-ministrı İvo Sanader häm Serbiä-Çernogoriä prezidentı Svetozar Maroviç – ike il arasındağı mönäsäbätlärneñ yaña çorın başlaw turında kileşte. İke il 90nçı yıllarda üzara qanlı suğış alıp bardı. Sanader Belgradqa ber könlek säfärgä kilde. Suğıştan soñ bu Xorvatiäneñ yuğarı wäkileneñ berençe tapqır Serbiägä kilüe.
