Accessibility links

якшәмбе, 4 декабрь 2016, Казан вакыты 19:33

Ximayäçelär şurası närsä ul?


Bügen Qazan däwlät universitetınıñ töp binasınıñ muzeenda berençe tapqır ximayäçelär Sovetı utırışı bulıp ütte. Utırışta Qazan şähäre administratsiä başlığı Kamil İsxakov häm universitet rektorı Mäğzüm Säläxov şulay uq Sovetqa kergän başqa wäkillärdä bar ide. Alar arasında Rossiä Federatsiäse prezidentı qarşındağı däwlät xezmäte Akademiäse prezident - rektorı Yegorov Vladimir, Qostarama ölkäse gubernatorı- Şerşunov Viktor, Tatarstan prezidentı kiñäşçese Rinat Möslimov, respublikanıñ fännär Akademiäse prezidentı Mansur Xäsänov, Tübän Qama şähäre administratsiäse citäkçese İlsur Metşin şulay uq Yar Çallı şähäreneñ merı İldar Xälikov, “Neftek” xolding kompaniäse yabıq aksionerlıq cämğiäteneñ direktorlar sovetı räise häm başqalar ximayäçelär Sovetınıñ citäkçesen saylarğa, ximayägä qağılışlı mä’sälälärgä açıqlıq kertergä cıyılğannar. Läkin çaqırıluçılarnıñ barsı da kilmäsälär dä tulı isemlektä yaqınça 22 wäkil yazılğan.

Cıyılışta berençe bulıp Qazan däwlät universitetı rektorı Mäğzüm Säläxov süz başladı. Ul universitetta, ä iñ möhime yubiley könnärendä ximayäçelär Sovetı kebek orğan buldıru simvolik köçkä iälekne as sızıqlap ütte. Qazan şähäre xakimiät başlığı Kamil İsxakov universitetta 200 yıllıq yubiley uñayınnan oyıştıruğa açıqlıq kertergä tırıştı. Şunnan soñ rektor 2015 inçe yılğa qädär KDU onıñ töp üseş etapları häm näticälege belän tanıştırıp ütkäç universitet tormışı belän härdaim tanışıp torğan, yubileyğa äzerlek eşlärendä qatnaşqan mer Kamil İsxakov kandidaturasın ximayäçelär sovetı citäkçese urınına täqdim itte. Şura äğzaları ber tawıştan Kamil İsxakovnı ximayäçelär citäkçese itep sayladılar. Şunnan soñ Kamil äfände dilbegäneñ aña birelgänlekne sizgäç kiläçäk plannarı belän urtaqlaştı. Ul universitetnıñ yubeleena qädär genä tügel, ä yubileydan soñ da üseş etapların nığıtuğa iğtibar betmäskä kiräklegen äytte.

Prorektor urınbasarı İrina Terent''yeva da ximayäçelär Sovetınıñ eş alımnarı, yünäleşläre belän tanıştırdı. Yomğaqlaw süzendä ximayäçelär Sovetı räise “Orğanıbız şuşı könnän başlap üz eşen başlap cibärä. İdeyäläregez, östämä täqdimnäregez bulsa möräcäğät itegez! İşeklärebez härwaqıt açıq”.Universitetqa yärdäm, qayğırtu bäyräm könnärennän bigräk başqa waqıtta, yıl äylänäsendä kiräk.- dip süzen yomğaqladı.

Yaña oyışqan şura üzen niçek eşläwen universitet tarixınıñ 3 ğasırı kürsäter.

Röstäm İsxakov

XS
SM
MD
LG