Accessibility links

чәршәмбе, 7 декабрь 2016, Казан вакыты 19:24

Fransiä xökümäte Yasir Arafatnıñ medetsina xisabın iğlan itmiäçäk


Fransiä xökümäte Yasir Arafatnıñ medetsina xisabı iğlan itelmiäçäk, dip belderde. Tışqı eşlär ministrı Michel Barnier, Yevropa-1 radiosına äñgämäsendä elekke fälestin citäkçese turındağı tabiplar mäğlümate barı tik Arafatnıñ ğailäsenä tapşırılaçaq, alar inde telägänen eşliäçäk, dip östäde. Yasir Arafat uzğan atnanıñ pänceşämbesendä Fransiäneñ xärbi xastaxanäsendä wafat buldı. Älegä qadär anıñ närsä belän awırğanı häm närsädän ülgäne turında mäğlümat yuq. Fälestin premyer-ministrı Ahmed Qurei, fälestin xakimiäte, xastaxanägä, medetsina xisabın birüne sorap möräcäğät yullağan ide, dip belderde: "Bu – prezident Arafat, teläsä kem tügel, şunıñ öçen bez anıñ ülemeneñ säbäben belergä tieş" dide Qurei. Arafatnıñ soñğı könnäre tiräsendäge bilgesezlek ğaräp dönyasında borçılu häm ğaybät taratqan ide. Kiçä Waşingtonda İzrael tışqı eşlär ministrı Silvan Şalom, İzrael, fälestinnärgä ğadel häm irekle saylawlar uzdırırğa qulınnan kilgän qadär yardäm itäçäk, dip belderde. 9 noyaber könne fälestinnär avtonomiä citäkçesen saylayaçaq. Silvan Şalom isä Waşingtonda wazifasınnan kitüçe Däwlät Sekretare Colin Powell belän oçraştı.

XS
SM
MD
LG