Rusiäneñ konstitusiä mäxmäse Tatarstannıñ tatar telen latin älifbasına qaytaru turındağı möräcäğäten kire qaqtı. Älege möräcäğätne Tatarstannıñ yuğarı mäxkämäse yasağan ide. 2002nçe yılda Rusiädä qabul itelgän qanunda, Rusiä xalıqlarınıñ räsmi telläre barı tik kiril älifbası nigezendä bulırğa tieş, dielä. Tatarstan däwlät şurasınıñ fän, mädäniät häm mäğärif komissiäse räise Razil Wäliev, radiobıznıñ Qazan studiäsenä telefon aşa, älege qarar belän qanäğät bulmağanın belderde. Latinğa qarşı çığuçılar, bu üzgäreş cämğiätne tarqataçaq, telne uqıtuda häm kitaplar bastıruda qıyınlıqlar tudıraçaq, dip sanıy. Yaqlawçılar isä – latin älifbasın tatar telendäge awazlarğa kübräk turı kilä, dip belderä.
