Accessibility links

җомга, 9 декабрь 2016, Казан вакыты 08:54

Ukraina prezidentlığına 2 namzät TV bäxäslärendä qatnaştı


Kiçä Ukraina televideniäsendä prezidentlıqqa namzätlär Viktor Yanukoviç belän Viktor Yuşçenko arasında bulğan bäxäs üzenä küp iğtibar cälep itte. Premyer-ministr Yanukoviç häm könbatış yaqlı namzät Yuşçenko – korrupsiädän başlap, iqtisad, sotsial mäs'älälär, eçke häm tışqı säyäsät turında fiker alıştı. Yanukoviç, köndäşen, saylawaldı kampaniäsen yalğanğa nigezläwdä ğayepläde. Yuşçenko isä monı ike äxläqi sistema arasındağı bäxäs, dip bäyäläde. 48 million xalqı bulğan Ukraina öçen kiçä televideniädä kürsätelgän bu debatlar – Yuşçenkonı kürü öçen berdän ber forsat buldı. Xalıqara küzätüçelär 31nçe üktäber könne uzğan saylawlarnıñ berençe turında küp törle xärämläşülär buldı, dip beldergän ide. Berençe tur saylawlarda ber prosenttan da äzräk ayırma belän Yuşçenko ciñde, ikençe tur yäkşämbe, 21 noyaber könne bulaçaq.

XS
SM
MD
LG