Accessibility links

сишәмбе, 6 декабрь 2016, Казан вакыты 13:25

Britaniä premyer-ministrı Yevropa häm Amerikanı İzrael belän fälestinnär arasında tınıçlıq urnaştıru tırışlıqlarına iğtibar birergä çaqırdı


Britaniä premyer-ministrı Tony Blair, Yevropa häm Amerika Quşma Ştatların, Ğiraq mäs'äläsendä fiker ayırmalıqların çitkä quyarğa çaqırdı, global mäs'älälär, alar arasında İzrael belän fälestinnär arasında tınıçlıq urnaştıru turında uylıy başlarğa kiräk, dip belderde: "Min demokratiägä xärbi çaralar belän ireşü yulın yaqlamıym, qabatlap äytäm, yaq-la-mıym. Ämma Yevropa häm Amerika tüzemlek belän demokratiä bulmağan, keşe häm säyäsi xoquqlar torışı naçar bulğan illärgä alarnı taratırğa tieş", dide Blair. Kiçä Londonda Blair tışqı säyäsät turında üzeneñ iñ zur çığışlarınıñ bersen yasadı. Fransiä prezidentı Jacques Chirac, Britaniäneñ Times basmasına birgän äñgämäsendä, Britaniä, Amerika Quşma Ştatlar citäkçelegendä Ğiraqqa basıp kerüne yaqlap ber nindi dä fayda kürmäde, dip belderde. Ğiraq suğışı mäs'äläsendä Yevropa belän Amerika arasında barlıqqa kilgän nizaqnı çişüdä dä Britaniäneñ aradaşçı bula aluın Chirac şik astına quydı.

XS
SM
MD
LG