Accessibility links

шимбә, 10 декабрь 2016, Казан вакыты 00:27

G.Bush C.Ricenı C.Powell urınına däwlät sekretarı itep bilgeläde


Prezident G.Bush sonğı 4yıl iminlek kiñäşçese bulıp eşlägän Condoleeza Ricenı , postınnan kitkän Colin Powell urınına däwlät sekretarı itep bilgeläde. Senat tarafınnan raslanaçaq dip kötelgän Rice şundıy yuğarı pozitsiägä kiterelgän berençe qara tänle xatın qız häm M.Albrighttan soñ xökümät ministırı itep bilgelängän 2.nçe xatın qız.

Condoleezza Rice säyäsättä bik tiz kütärelüe häm prezident G.Bushqa çiktäntış turılıqlılığı belän tanılğan şäxes .Berençe xatın qız iminlek kiñäşçese bularaq Rice G.Bush belän bik yaqın eş mönäsäbätläre urnaştırıp,anıñ Ğıraq suğışı qararın canı täne belän yaqlap ''suğış bikäse'' digän quşamat ta aldı. Däwlät sekretarı C.Powell Pentagonda Ğıraq suğışı säbäple yış qına bäxäslärgä säbäp bulğan ide.Belgeçlär Rice administratsiägä kileşle säyäsät alıp baraçaq dip kötä. Bu Yevropadağı qayber berektäşlär öçen naçar xabär bula ala. Ğıraq suğışı säbäple aralar bik yaxşıdan tügel. Germaniä belän Fransiä C.Powellğa administratsiäneñ qatı qul säyäsäten yomşatuçı dip qarap kilde.Parijda urnaşqan Yevropa Berlegeneñ İminlek Tikşerüläre İnstitutı analitiğı Antonio Missiroli fikrençä Bush administratsiäse berdäm tawış belän söyläsä trans-atlantik mönäsäbätlärenä uñay täsir itäçäk Missiroli(audio) Condi Rice AQŞ administratsiäse ber tawıştan söyli dip kürsätsä minemçä yevropalılar moñı xuplayaçaq.Çönki bu administratsiä belän çın söyläşülär öçen nigez buldıraçaq Ämma Ricenı tönqitläwçelär dä bar. Alar berençe administratsiädä misal öçen Rice saqlanu ministırı Rumsfeld belän Powell arasındağı säyäsi konfliktlarnı xäl qıluda uñışlı bulmadı di.Eşneñ qızığı şunda C.Rice 2000nçe yılnıñ dikäberendä üze Bush törkemenä bilgelängännän soñ berdämlek öçen eşlärgä wäğdä itte. (audio) Bush administratsiäse kiñ külämle , ike yaqnı da wäkillek itkän häm in möhime berdäm bulaçaq çünki ul ayrılsa cimereläçäk. Min anıñ ber öeleşe bulğan öçen ğorurlanam . C.Rice säyäsättä kütärelgän berençe qara tänle xatın qız ğına tügel ä ul profesor , talantlı artist häm uñışqa ireşkän sportçı .Mäktäp direktorı, muzıka möğällimeneñ qızı Condoleeza AQŞta rasizmnıñ bik köçle urında- Alabamada tuğan. Ul 19yäşendä kolejne betergändä inde klassik pianist häm timer ayaqta şuuıçı sportçı ide. Rice soñraq muzıka eşlären çitkä qağıp xalıqara mönäsäbätlär uqıy başladı . Anı bigräk tä cex imigrantı Josef Korbelneñ kursları ruxlandırdı. Korbel berençe xatın qız däwlät sekretarı M.Albrightnıñ ätise ide. Rusçanı yaxşı belgän C.Rice Bushnıñ atası däwrendä sovet mäsäläläre belgeçe bularaq Milli İminlek Şurasında utırdı..2000-nçe yılda Bush saylaw aldı kampanise alıp barğanda C.Rice anıñ tışqı mäsälälärdä möräcäğät itkän çığanaq buldı. Bu mönäsäbätlär Bush prezident bulğannan soñ nığıp kitte häm ul milli iminlek mäsäläsendä kiñäşse itep bilgelände. Analitiklar qaraşınça Riceneñ Rusiä mäsäläsendäge täcribäse AQŞnıñ Mäskäwgä mönäsäbäten üzgärtügä , AQŞ häm Könbatış Yevropanıñ yaqınlaşuına kiterä ala. Missiroli bolay dip añlata (audio) Condi Riceneñ Rusiä turındağı beleme yevropalılar öçen iqtibar cälep itüçe bula ala.Bu AQŞ belän yevropalılarğa - bigräk tä könçığış belän könbatış elemtäläreneñ kisken bulğan Ukraina häm könyaq Kafkazda bigräk tä faydalı bula ala LAT gazetası 2000nçe yılda Bushnıñ kiñäşçese C.Riceneñ AQŞları başqa illärne niçek bar şulay qabul itergä , törle tarixı, törle kulturası bulğan illärne üzgärtü, reformalaw öçen ambitsiäle eşlärgä kereşmäskä tieş dip äytkänen xäterlätep, Riceneñ äle neo konservativlarğa yaqınlaşuın yaza.Ğıraq suğışına näk şundıy qaraşlar säbäp buldı, Amerikağa höcümnär buldırmas, terror suğışında ciñep çığu öçen Möselman dönyasına ireklek häm demokratiä iltergä tieşbez. C.Rice kiläse 4yılda Ğıraq wä milli iminlek eşlärenä iqtibar itäçäk dip kötergä kiräk. Ämma Britan gazetası Guardian yazuınça İran , T.Korea AQŞnıñ ölkän diplomatın kiläse 4 yılda citärlek borçıyaçaq illärneñ ikese genä färidä xämit
XS
SM
MD
LG