Accessibility links

пәнҗешәмбе, 8 декабрь 2016, Казан вакыты 05:06

Universitetta kiläçäk turında söyläşü


Nihayät bügen Qazan universitetına ike yöz yäş tuldı. Şuşı zur bäyräm uñayınnan Tatarstan prezidentı häm törle yaqtan kilgän wäkillär delegatsiäse ber niçä yubiley çarasında qatnaştı. Älege çaralarda Rusiäneñ mäğärif ministrı Andrey Fursenko, fännär Akademiäse prezidentı Yuriy Osipov, MGU rektorı Viktor Sadovniçiy, çit illärdän kilgän räsmi qunaqlar häm universitetnıñ çığarılış studentları bar ide.
Bäyräm çaralarında qatnaşuçılar üz säfären universitetnıñ tarixi şäxeslären iskä alu belän başlap cibärde. Böyek matematik Nikolay Lobaçevskiy häm Qazan universitetnıñ elekke rektorı Mixail Nujin häykällärenä çäçäklär salındı. Annarı qunaqlar universitetnıñ yañartılğan töp binası, restavratsiä ütkän astronomiä observatoriäse, jurnalistika fakul'tetınıñ yaña binasın kürdelär. Alar şulay uq universitetnıñ çığarılış studentları tarafınnan eşlängän kürgäzmä, yubiley uñayınnan açılğan tarix häm geologik muzeylar belän dä tanışa aldı.
Ekskursiädän soñ töp binanıñ aktlar zalında Tatarstan prezidentı M.Şäymiev jurnalistlar belän äñgämä qordı. Anda ul Qazan universitetı turında ğına tügel, ä tatar älifbasın latinitsağa küçerü mäs’äläse xaqında häm şulay uq Konstitutsion mäxkämädä qaralğan tağın ber mäs’älägä üz mönäsäbäten belderde. Sergey Xapuğinnıñ Qazanda tatar telne öyränü däğwäsı turında äytte. Rus häm tatar tele Qazanda däwlät telläre bulğanğa kürä xalıq ike telne dä belergä tieş häm bu mäs’älädä Konstitutsion mäxkämä bezneñ yaqta buldı dide. Şulay uq anda M.Şäymievkä Berdäm Rusiä firqäse berdämme soñ digän soraw da birelä. Moña ul - parlament küpçelege bulğan firka üzen buldıqsız dip sanıy almıy. Ä monı eş belän raslarğa häm firqäneñ abruyın kütärergä kiräk, dip äytte.
Al'bina Zäynulla, Qazan.

XS
SM
MD
LG