Accessibility links

пәнҗешәмбе, 8 декабрь 2016, Казан вакыты 14:59

Ğiraqnıñ Falluca şähärendä bäreleşlär däwam itä


AQŞ maxsus xärbi köçläre häm ğısyançılar arasında Fallucada bäreleşlär bügen dä däwam itte. Şähärneñ könyaq häm üzäk bistälärendä atışlar häm raketa şartlaw tawışları işetelgän.Tönyaqtağı Jolan bistäsendä Yefrat yılğası aşa şähärgä kergän dip xäbär itelgän suğışçılar belän bäreleşlär bulğan. Baştaraq amerikan xärbiläre, Fallucada köç qullanu kimede, dip xäbär itkän ide. Ämma ğaskärlärneñ matbuğat wäkile Angela Bowman süzlärenä qarağanda, ğısyançılarnıñ qarşı toruı äle däwam itä. Ğiraqnıñ tönyağındağı Baiji şähärendä amerikan tikşerü notqası yanında maşinağa quyılğan bomba şartlap 10 keşe hälak buldı. 9 xärbi yaralandı, alarnıñ 3e – amerikan xärbiläre, dip xäbär itelä. Amerikan köçläre – şimbä könne televideniä kanallarında kürsätelgän ber xärbineñ yaralanğan ber Ğiraq totqının atıp üterüen sürätlägän tasmanı tikşerüne däwam itülären xäbär itte. Ğiraqtağı amerikan ilçese John Negreponte, bu xälgä ükeneç belderde. Bügen Brüsseldä oçraşqan NATO illäreneñ xärbi köçlär başlıqları berlekneñ Ğiraq xärbilären öyrätü programmasın kiñäytergä kileşte. Ğiraqqa östämä 300 xärbi kiñäşçe häm yözlägän NATO xärbien cibärergä qarar itelde. Älegä Ğiraqta NATOnıñ 70 xezmätkäre bar. Brüsseldä NATO illäre ğaskärläre başlıqları şulay uq xezmättäşlekne arttıru mäs'äläsendä Aljir, Misır, İzrael, Jordan, Morocco, Mauritaniä häm Tunis xärbi köçlär citäkçeläre belän oçraştı.

XS
SM
MD
LG