Accessibility links

дүшәмбе, 5 декабрь 2016, Казан вакыты 19:33

Xalıqara cämäğätçelek Margaret Hassan'nıñ üterelgän bulu xäbärenä borçılu belderde


Ğiraqta xalıqara CARE oyışması citäkçese Margaret Hassan baştra urlanğan soñınnan üterelgän digän xäbärlär könbatış cämäğätçegeneñ kisken täñqitenä duçar buldı. Al Jazeera televideniäse sişämbe könne ber xatın-qıznıñ üterelüen sürätlägän tasma alğanın, häm anıñ – Hassan bula alu ixtimalı turında xäbär itte. İrlandiä premyer-ministrı Bertie Ahearn, anı üterüçelärne bügen böten dönya ğayepli, dip belderde. Yevropa Berlegeneñ humanitar yardäm komissionerı Poul Nielson, älege xäbärdän soñ Berlekneñ Ğiraqta eşen däwam itüe mömkin tügel, dip belderde. Margaret Hassan'nıñ küptänge dustı Ğiraq tabibı Kaydar al-Çalabi, Hassan böten ğiraqlılar belän ğazap çikte, dip belderde: "Ul – xökümättän bäysez oyışma wäkile genä tügel ide, ul ğiraq xalqı belän bergä ğazaplar aşa ütte. Şunıñ öçen ul alarğa yardäm iter öçen qulınnan kilgänne eşläde" dide al-Chalabi. İrlandiädä tuğan Margaret Hassan 30 yıldan artıq Ğiraqta yäşägän bulğan.

XS
SM
MD
LG