Accessibility links

шимбә, 3 декабрь 2016, Казан вакыты 03:34

Abxaziädä militsiä başlıqları xökümätkä buysınmayaçağın beldergännän soñ, wazğiät kiskennäşte


Görcstan respublikası Abxaziädä ütkärelgän prezident saylauları tiräsendäge politik krizis, cirle militsiä başlıqlarınıñ Cärşämbe könne xökümät ämerlärenä buysınmayaçaqların belderüläre belän kiskennäşep kitte. Alar xakimiätlärne cämağätçelekkä yalğan mäğlümät birüdä häm pemier Nodar Xaşbanı tärtipsezleklärgä häm cualışlarğa qıulandıruda ğäyeplädelär. Postınnan kitärgä tieşle prezident Vladislav Ardzinba berniçä säğättän soñ üzeneñ vurınbasarın, fetnäçelärne yaqlauda ğäyepläp vazıyfasınnan buşattı.

Abxaziä başqalası Suxumida taratılğan belderügä Eçke Eşlär Ministerlegeneñ bülek başlıqları häm regional militsiä başlıqları qul quyğan häm ul prezident Ardzinba, visi-prezident Valeri Arşba häm parlament suzçese Nugzar Aşubağa yazılğan. İke meñ biş keşelek militsiä köçlären väkillek itülären däğvä itkän belderü aftorları cualış häm tärtipsezleklärgä çıdamlıq kürsätä almauların yazğannar. Alar şulau uq premier Xaşba häm qayber ministerlärne Mediağa häm Russiäneñ säyäsi citäkçelegenä Abxaziädäge xällär turında döres bulmağan mäğlümät birüdä dä ğäyeplägännär. Xat aftorları yomğaqlap andıy xökümätkä artıq buyısınıp bulmıy digän näticägä kilgännär. Premier Xaşba bu belderüne qanunğa qarşı dip bäyäläde.

Audio

"Qanunğa esasän, Eçke eşlär ministerlege organnarı mondıy mäsälälärgä tıqşına almıy. Ofitserlarğa berär närsä oxşamıy ikän, miña kile alalar. Läkin, alar minem aldıma räsmi tügel, ä sivil kiemdä genä kilä alalar."

Russiä ğädättäntış xällär ministerlegeneñ räsmise bulğan Xaşba prezident saylaularınan alda ğına premier itep quyıldı. Üzäk saylau Komissiäse oppozitsiä kandidatı Sergey Bagapş elekke premier Xacimbanı ciñde dip iğlan itte. Läkin, vazıyfasınnan kitärgä tieşle eleke administratsiä saylaularda xärämläşülär buldı digän ğäyepläv belän anıñ qabatlanuın taläp itä. Vise prezident Arşba cirle militsiä başlıqlarınıñ taläben yaqlap bolay dide

Audio

"Eçke Eşlär Ministerlege Üzäk Apparatınıñ barlıq bülek başlıqları , barlıq militsiä başlıqları häm alarnıñ urınbasarları , tulayım 2 meñ keşe belderügä qul quyğan. Dälile östälemdä. Alar xökümät belän anıñ anti-konstitusiä säyäsäte säbäple eşli almauların beldergännär."

Şuşı belderügä berniçä säğät vaqıt ütkännän soñ prezident färmanı belän Arşba vazıyfasınnan buşatıldı. Abxaz citäkçelege häm Russiä tışqı eşlär ministerlege Bagapş häm taraftarların xakimiätne köç qullanu yulı belän üz qullarına eläkterergä tırışuda ğäyeplilär. Bagapş monı qätği räveştä kire qağa. Abxaziädä xäl kiskenäşä bara häm komromiss mömkinlege kürenmi.

Färit İdelle, Praga.
XS
SM
MD
LG