Accessibility links

Кайнар хәбәр

Londonda Tony Blair belän Jacque Chirac oçraştı


Fransiä prezidentı Jacque Chirac premyer-ministrı Tony Blair belän oçraşır öçen Londonğa kilde. Anıñ ike könlek säfäre – Britaniä belän Fransiä arasında tözelgän tınıçlıq kileşüeneñ 100 yıllığına bağışlana. Britaniä premyer-ministrı Tony Blair, Ğiraqtağı suğış mäs'äläsendä qarşılıqlar buluğa qaramastan, Britaniä häm Fransiä Ğiraqnıñ "totrıqlı häm demokratik" buluın teli, dide: "Ğiraq mäs'äläsendä äytäsem kilä – waqıtında qarşılıqlar turında mäğlüm ide, ämma bez ikebez dä Berläşkän Millätlär Oyışmasınıñ 1546nçı sanlı rezolüsiäse nigezendä eşlibez. İkebez dä totrıqlı häm demokratik Ğiraqnıñ buluın telibez, häm moña kiler öçen ikebez dä quldan kilgänne eşliäçäkbez" dide Blair. Diplomatlar süzlärenä qarağanda ike citäkçe arasında mönäsäbätlär bik cılı tügel. BBC kanalına birgän äñgämäsendä Fransiä prezidentı Chirac, Amerika Quşma Ştatları häm Britaniä, Ğiraqqa basıp kerüläre belän dönyada terrornı canlandırdı, dip beldergän ide. Başqa ölkälärdä, İran, Äfğanstan häm Balkan mäs'älälärendä Britaniä häm Fransiä citäkçeläre berdäm fikerdä buluların kürsätte.
XS
SM
MD
LG