Accessibility links

Кайнар хәбәр

İran yäşeren atom bombasın yasawın kire qağa


İran atom sänäğäte räsmiläreneñ berse, Hossein Mussavian, oppozisiädäge säyäsi törkemneñ, Tähran yanında yäşeren atom bombasın yasaw urını bar digän ğayepläwlären kire qaqtı. İrannıñ yäşergän atom eşçänlege yuq, dide Mussavian. "İranda qarşı toru milli şurası" dip isemlängän älege törkem, Quşma Ştatları tarafınnan terrorçılar isemlegenä kertelgän Mujahedeen Xalq oyışmasınıñ säyäsi bülekçäse bulıp tora. Däwlät Departamentınıñ matbuğat wäkile Adam Ereli, Quşma Ştatlar älege mäğlümatneñ döreslegen tikşerä almıy, dide: "Elek tä bu tör mäğlümatlär bula ide, häm Xalıqara Atom Energiäse Agentlığı soñıraq xäbär itüençä, alar döres bulıp çığa ide. Alay da, atom agentlığı İrannıñ atom programmasın tikşerüne däwam itkändä barlıq mäğlümätne isäpkä alır, dip ömetlänäbez. " dide Ereli.
XS
SM
MD
LG