Accessibility links

Кайнар хәбәр

Mäskäw xalıqara burıçların waqıtınnan alda tülärgä äzer


Rusiä prezidentı Vladimir Putin, Xalıqara Valüta Fondı başlığı Rodrigo Rato belän Mäskäwdä bulğan oçraşu waqıtında, Rusiä xalıqara burıçlarınıñ ber öleşen waqıtınnan alda tüli alaçaq, dip belderde. Kileşü nigezendä Rusiä fondqa 2008nçe yılğa 5 milliard dollar kire qaytarırğa tieş, Putin süzlärençä bu inde 2006nçı yılda mömkin bulaçaq. Rusiäneñ finans ministrlığı tışqı burıçnı ilneñ ğadättän tış fondınnan alırğa täqdim itte. Başqa xäbärlärgä kilgändä, Rusiä aradaşçıları, yaqın arada Yaponiä häm tağın qayber başqa illär belän Dönya Säwdä Üzägenä Rusiäneñ äğzalığın yaqlaw turında kileşü tözergä ömetlänä. Rusiäneñ 3 üzäk televidenie kanalına birgän äñgämäsendä prezident Putin küptän tügel iğlan itelgän säyäsi reformalarğa üz añlatmaların birde. Bu xaqta tulıraq mäğlümat Azatlıqnıñ xalıqara küzätülärendä bulaçaq.
XS
SM
MD
LG