Accessibility links

якшәмбе, 4 декабрь 2016, Казан вакыты 17:19

Boxarada Üzbäkstan häm Törkmänstan prezidentları oçraştı


Üzbäkstannıñ bu şähärendä bügen Törkmänstan belän duslıq deklarasiäsenä qul quyıldı. Törkmänstan prezidentı Saparmorat Niyazov häm Üzbäkstan ilbaşı islam Kärimov, su baylıqların büleşergä, säwdä xezmättäşlegen üsterergä häm säyäxät itü yulların ciñeläytergä kileşte. 1996nçı yılda tözelgän Amu Darya yılğasınıñ su kiñleklären büleşü turındağı kileşüne ğamälgä aşıru öçen eşçe törkem tözelgän. Niyazov süzlärenä qarağanda, ike respublika xalıqları – kürşe däwlättäge tuğannarın kürä alsın öçen säyäxät itü mömkinlekläre kiñäyteläçäk: "Çik buyında yäşäwçe üzbäk häm törekmännär kiläçäkläre öçen borçılmasın. Kiläçäktä añlaşılmawçanlıq bulmayaçaq. Su, cir büleşü kebek problemalar bulmağanda ike kürşe bäxetle bula," dide Niyazov. Soñğı 4 yıl eçendä Üzbäkstan häm Törekmänstan citäkçeläre berençe tapqır oçraştı. 2002nçe yılda, Niyazovqa yasalğan höcümgä Üzbäkstannıñ qatnaşı bar digän ğayepläwlär sürätendä ike respublika arasında nizaq çıqqan ide.

XS
SM
MD
LG