Accessibility links

пәнҗешәмбе, 8 декабрь 2016, Казан вакыты 03:11

Elekke Qırğızstan ministrı Felix Kulov kiläse prezident saylawlarına qadär törmädä qalaçaq


Qırğızstan Yuğarı mäxkämäse oppozisiä citäkçese Felix Kulovnı kiläse yılğı prezident saylawlarına qadär törmädä qaldırırğa digän qarar çığardı. Mäxkämä utırışında qatnaşqan Korrupsiägä qarşı Sivil Cämğiät isemle keşe xoquqları oyışması citäkçese Tolekan İsmailova, Kulov törmädä 2005nçe yılnıñ 12nçe noyaberenä qadär utıraçaq, dide. Yül ayında Kulov rayon mäxkämäseneñ qararına rizasızlıq belderep Yuğarı Mäxkämägä möräcäğät itkän ide. Yuğarı Mäxkämä möräcäğätne kire qaqtı. Ar-Namys partiäse başlığı, elekke vise-prezident häm eçke eşlär ministrı Kulov zur külämdä aqçalarnı häm xakimiätne üz mänfäğätlärendä qullanuda ğayeplänep 2000nçe yılda 10 yıl törmä cäzasına xökem itelgän ide. Keşe xoquqları oyışmaları älege ğayepläw säyäsi säbäplärdän yasaldı häm xäzer anıñ kiläse saylawlarda prezident Askar Akayevqa qarşı çıqmawın buldırırğa tırışalar, dip belderä.

XS
SM
MD
LG