Accessibility links

якшәмбе, 4 декабрь 2016, Казан вакыты 11:23

İran uran gazı citeşterä digän xäbärlär uñayınnan, AQŞ borçılu belderä


İran, atom qoralında qullanıp bula torğan gaz citeşterä digän xäbärlär uñayınnan, Quşma Ştatlar borçılu belderde. Däwlät departamentı süzçese Adam Ereli, ägär bu xäbärlär döres bulsa, bu İrannıñ yaxşı niätenlären soraw astına quya, dide. İranda zur külämdä hexaflurid isemle gaz citeşterelü turında Venadağı könbatış diplomatları xäbär itte. Bu gaznı uran bayıtu öçen qullanıp bula. İrannıñ atom räsmie Xösäyen Musawani, bu xäbärne "yalğan" dip kire qaqtı. Kiläse pänceşämbedä BMO qarşındağı Xalıqara Atom Energiä İdaräse, İrannıñ atom programması mäsäläsen İminlek Şurasında tikşerü ixtimalın qararğa cıyına. Uzğan atnada Yevropanıñ 3 ile belän bulğan söyläşülärdä, räsmi Tähran kiläse düşämbe, 22 Noyäbergä qädär uran bayıtu eşlären tulısınça tuqtatırğa wäğdä itkän ide.

XS
SM
MD
LG