Accessibility links

пәнҗешәмбе, 8 декабрь 2016, Казан вакыты 11:07

Çilida Azia-Tın Okean illäre sammitı açıldı


Çilida Azia-Tın Okean töbägenä kergän 21 ilneñ sammitı açıldı. Kön tärtibendä irekle säwdä häm iminlek mäsäläläre. Sammit qısalarında Quşma Ştatlar prezidentı George Bush, Tönyaq Korea häm İranğa, atom programmaların tuqtatırğa taläp itep basım yasarğa çaqırdı. Bush Qıtay citäkçese Hu Cintao häm Yaponiä premier-ministrı Yuniçiro Koizumi belän oçraştı. Anıñ tağın Könyaq Korea prezidentı Roh Moo-Hyuon häm Rusiä prezidentı Vladimir Putin belän oçraşuı kötelä. Comğa könne, dönya citäkçeläre cıyılğan arada, Santiagoda 25 meñläp keşe qarşılıq çarası ütkärde. Alar bu sammitnı yarlı xalıq turında uylamağan baylar cıyını dip atadı. Amerikan prezidentı George Bushqa, Ğiraq suğışına tänqit belderde. Politsiä belän çualışlar waqıtında 130lap keşe totqarlanğan.

XS
SM
MD
LG